МІНСК, 4 ліс – Sputnik. Беларускія вайскоўцы адправіліся на вучэнні АДКБ "Непарушнае брацтва", якія пройдуць у Расіі з 8 па 12 лістапада, паведамляе прэс-служба Мінабароны.
Аснову беларускага воінскага кантынгенту на манеўрах складуць вайскоўцы з Брэсцкай вобласці. Агульная колькасць удзельнікаў вучэння - каля 1000 чалавек, таксама будзе задзейнічана ваенная і спецыяльная тэхніка, у тым ліку ўдарныя верталёты і БПЛА.
Вучэнне пройдзе ў два этапы, актыўная фаза запланавана на 11-12 лістапада. Асноўныя мерапрыемствы разгорнуцца на палігоне Казанскага танкавага Чырванасцяжнага вучылішча. У мінулым годзе міратворчыя вучэнні прайшлі на палігоне Ласвіда недалёка ад беларускага Віцебска.
У час вучэння асаблівую ўвагу нададуць навыкам камандзіраў усіх ступеней у рабоце па падрыхтоўцы міратворчай аперацыі і кіраванні воінскімі аддзяленнямі, узводамі і брыгадамі.
"Вучэнне з'яўляецца выдатнай магчымасцю для ўмацавання ўзаемаразумення і супрацоўніцтва паміж міратворчымі кантынгентамі, абмену вопытам і наладжвання ўзаемадзеяння, выпрацоўкі ў асабовага складу высокіх баявых якасцей і маральна-псіхалагічнай устойлівасць пры выкананні сумесных задач", - растлумачылі ў прэс-службе абароннага ведамства.
Акрамя краін - удзельніц АДКБ (Арменія, Беларусь, Казахстан, Кыргызстан, Расія, Таджыкістан), на вучэнні запрошаны Сербія, Узбекістан і Манголія, а таксама прадстаўнікі міжнароднага камітэта Чырвонага Крыжа і іншых міжнародных арганізацый.
Другія манеўры за месяц
Нядаўна беларускія вайскоўцы ўдзельнічалі ў вучэннях АДКБ "Баявое брацтва - 2021". Яны праходзілі ў Таджыкістане ў непасрэднай блізкасці ад афганскай мяжы, дзе нядаўна адбыўся дзяржаўны пераварот. Манеўры працягваліся 6 дзён - з 18 па 23 кастрычніка.
Перад беларускімі разведчыкамі ставіўся шэраг задач, у тым ліку - пошук і ліквідацыя палявога лагера тэрарыстычнага фарміравання, якая, нягледзячы на складаныя ўмовы надвор'я, была паспяхова выканана.
У манеўрах было задзейнічана 4 тысячы вайскоўцаў з Арменіі, Беларусі, Казахстана, Кыргызстана, Расіі, Таджыкістана і больш за 500 адзінак тэхнікі.
Чытайце таксама:
Не вайна, а знішчэнне тэрарыстаў: Зась падвёў вынік вучэнняў АДКБ
Актыўная фаза вучэнняў ваенных краін АДКБ прайшла ў Таджыкістане
Шайгу і Хрэнін паставяць адзнаку вучэнням "Захад-2021"