МІНСК, 5 ліс — Sputnik. Праграма заахвочвання расіян, якія прайшлі вакцынацыю супраць каронавіруса, прадоўжана да 31 снежня 2021 года, пастанову падпісаў прэм'ер-міністр РФ Міхаіл Мішусцін.
У розыгрыш прызоў дабавяцца два тыражы - гэта значыць, што колькасць пераможцаў, якія атрымаюць па 100 тысяч рублёў, павялічыцца да 2 тысяч чалавек.
Латарэя стартавала 1 верасня і павінна была завяршыцца 1 снежня, аднак ва ўрадзе прапанавалі гэты тэрмін падоўжыць - так у Расіі стымулююць людзей вакцынавацца.
Каб паўдзельнічаць у латарэі, трэба зарэгістравацца на партале дзяржпаслуг. Для атрымання інфармацыі аб выйгрышы неабходна пераканацца ў наяўнасці пацверджанага ўліковага запісу на адзіным партале дзяржпаслуг.
Усіх удзельнікаў вызначае камп'ютар, выкарыстоўваючы алгарытм выпадковай выбаркі. Нумары пераможцаў імгненна публікуюцца на сайце праекту "Бонус за здароўе". Шчасліўчык павінен пазначыць нумар сваёй банкаўскай карты "Мир" у асабістым кабінеце на партале дзяржпаслуг не пазней за тры месяцы з даты атрымання паведамлення аб прызе. Пасля гэтага грошы паступаюць на рахунак. Выплаты робяцца на працягу паўгода з моманту правядзення розыгрышу.
У Расіі праходзяць і іншыя акцыі, звязаныя з вакцынацыяй. У некаторых з іх можна выйграць кватэру, машыну і іншыя каштоўныя прызы.