МІНСК, 4 ліс — Sputnik. Прэзідэнт Беларусі Аляксандр Лукашэнка прапанаваў перафарматаваць СМІ Саюзнай дзяржавы і стварыць медыяхолдынг. Пра гэта беларускі лідэр заявіў у чацвер на пасяджэнні Вышэйшай дзяржаўнай рады СД.
На пасяджэнні ВДС выступіў дзяржсакратар Саюзнай дзяржавы Дзмітрый Мезенцаў. Спікер закрануў тэму супрацоўніцтва Беларусі і Расіі ў медыйнай сферы.
"Думаю, што мы маглі б стварыць, як прапануюць спецыялісты, медыяхолдынг Саюзнай дзяржавы", - пракаменціраваў Лукашэнка.
Беларускі лідэр зазначыў, што "грошы трэба не размазваць па існуючых газетах, часопісах і telegram-каналах". На яго думку, на гэтыя сродкі трэба стварыць "адпаведную групу, медыяхолдынг, як модна зараз гаварыць, і расказваць аб тым, што адбываецца".
У сучасным свеце адбываецца фальсіфікацыя гістарычных фактаў і сучасных тэндэнцый, напрамкаў палітыкі Беларусі і Расіі, у тым ліку і ў Саюзнай дзяржаве, падкрэсліў Лукашэнка.
"Гэта адбываецца таму, што мы слаба ў гэтым плане працуем. Вы правільна закранулі саюзныя СМІ так званыя. Думаю, што тут нам трэба сур'ёзную рэформу правесці", - рэзюмаваў прэзідэнт.
Чытайце таксама:
Лукашэнка і Пуцін падпісалі дэкрэт, які зацвярджае саюзныя праграмы
Пуцін падтрымаў адпраўку беларускага касманаўта на МКС
Лукашэнка: Саюзная дзяржава для Беларусі - прыярытэт з прыярытэтаў