МІНСК, 13 ліс ― Sputnik. Перакрыццё беларускім бокам транзіту газу ў Еўропу нанясе вялікія страты энергетыцы Еўрасаюза і не будзе садзейнічаць развіццю адносін Расіі з Беларуссю, заявіў прэзідэнт Расіі Уладзімір Пуцін.
"Вядома, Лукашэнка, як прэзідэнт транзітнай краіны, можа, напэўна, даць указанне па перакрыцці нашых паставак у Еўропу, хаця гэта будзе парушэннем нашага транзітнага кантракта, і я спадзяюся, што да гэтага не дойдзе", - заявіў расійскі лідэр у інтэрв'ю тэлеканалу "Расія 1".
Адносна Беларусі заўсёды прымяняюцца і пагражаюць прымяненнем новых санкцый, адзначыў расійскі лідэр, але гэта (перакрыццё газу ў ЕС - Sputnik) нанесла б вялікі ўрон энергетыцы Еўропы, энергетычнаму сектару Еўропы і не садзейнічала б развіццю нашых адносін з Беларуссю як з транзітнай краінай", дадаў Пуцін.
Расійскі лідэр таксама дадаў, што ўпершыню чуе аб такой заяве прэзідэнта Беларусі і паразмаўляе з беларускім калегам наконт гэтага.
"Я, шчыра кажучы, пра гэта першы раз чую. Таму што я двойчы размаўляў з Аляксандрам Рыгоравічам за апошні час, ён мне ні разу пра гэта не сказаў, нават не намякнуў", - сказаў Пуцін.
Заява беларускага лідэра прагучала ў чацвер. Лукашэнка параіў уладам Еўрасаюза, перш чым уводзіць чарговы пакет санкцый супраць Беларусі з-за мігрантаў, падумаць аб транзіце газу і грузаў, які ідзе праз беларускую тэрыторыю, у прыватнасці аб газавым транзіце па трубаправодзе "Ямал - Еўропа".
Чытайце таксама:
Пяскоў: Мінск не абмяркоўваў з Крамлём прыпыненне транзіту газу ў Еўропу
Пастаўкі "Газпрома" ў Еўропу праз Польшчу зніжаюцца, Украіну – стабільныя
Закрыць для палякаў: Лукашэнка пра транзіт газу ў Еўропу