МІНСК, 17 ліс – Sputnik. Медыкі ў мігрантаў, якія засяліліся ў лагістычны цэнтр у пункце пропуску "Брузгі" на мяжы з Польшчай, выявілі толькі два выпадкі бранхіту, паведаміў Sputnik сенатар Віктар Лісковіч.
"Людзей шпіталізавалі ў бальніцу", - сказаў ён.
Раней памочнік прэзідэнта - інспектар па Гродзенскай вобласці Юрый Караеў адзначыў, што медыцынскія работнікі правядуць тэрмаметрыю, каб адсяліць ад асноўнай групы тых, у каго ёсць тэмпература.
Для таго каб размясціць мігрантаў, было вырашана ў лагістычным цэнтры вызваліць каля 40 працэнтаў плошчаў. На вуліцы для бежанцаў устаноўлены біяпрыбіральні, палаткі для прыёму ежы, ёсць пітная вада ў некалькіх кропках.
У аўторак прэзідэнт Беларусі Аляксандр Лукашэнка даручыў губернатару Гродзенскай вобласці Уладзіміру Караніку і памочніку па рэгіёне арганізаваць начлег для жанчын і дзяцей, якія знаходзяцца на беларуска-польскай граніцы. Для прыёму і абагравання змёрзлых людзей падрыхтавалі лагістычны цэнтр, у ім змогуць прыняць усіх бежанцаў з беларуска-польскай мяжы: падрыхтавана больш за дзве тысячы спальных камплектаў.
Чытайце таксама:
Для жанчын і дзяцей з мяжы арганізавалі начлег у лагістычным цэнтры
Усе іракцы, якія хочуць вярнуцца на радзіму, змогуць гэта зрабіць бясплатна - консул
Прастудзіліся: бежанцы пачалі звяртацца да медыкаў са скаргамі на кашаль