МІНСК, 19 ліс — Sputnik. Прэзідэнты Беларусі і Расіі Аляксандр Лукашэнка і Уладзімір Пуцін правялі тэлефонную размову, паведамляе Telegram-канал "Пул Першага".
Раней у аўторак 16 лістапада кіраўнікі дзяржаў ужо размаўлялі па тэлефоне, у тым ліку закрануўшы сітуацыю на беларуска-польскай мяжы.
Таксама гэтую сітуацыю ўжо двойчы абмеркавалі па тэлефоне прэзідэнт Беларусі Аляксандр Лукашэнка і в. а. канцлера Германіі Ангела Меркель.
Раней Меркель па гэтым пытанні як мінімум двойчы праводзіла размову з Уладзімірам Пуціным.
Крызіс на мяжы
На мяжы Беларусі і Польшчы ўжо больш за 10 сутак знаходзіцца каля 2 тысяч мігрантаў, якія спадзяюцца патрапіць у краіны ЕС.
Польскія ўлады ўзмацнілі ахову межаў, сцягнулі вайскоўцаў і спыняюць спробы нелегалаў пракрасціся на тэрыторыю краіны, абвінавачваючы Мінск у міграцыйным крызісе. Усе гэтыя абвінавачанні Беларусь абвяргае, заяўляючы, што Польшча гвалтоўна выдварвае мігрантаў.
На фоне міграцыйнага крызісу Еўрасаюз зацвердзіў пяты пакет санкцый супраць Беларусі. Кіраўнікі МЗС краін ЕС вызначылі, што пад санкцыі трапяць фізічныя і юрыдычныя асобы - авіякампаніі і турагенцтвы, якія непасрэдна ўдзельнічаюць у дастаўцы ў Беларусь мігрантаў.