МІНСК, 30 ліс — Sputnik. Вывазны рэйс авіякампаніі Iraqi Airways з Мінска ў Эрбіль, раней анансаваны на аўторак, 30 лістапада, выконвацца не будзе, паведамілі ў аэрапорце беларускай сталіцы.
У нядзелю авіякампанія Iraqi Airways на сваёй старонцы ў Facebook паведаміла, што афіцыйна з Беларусі ў Ірак вярнуліся 1876 бежанцаў - тут могуць быць не ўлічаны маленькія дзеці, якіх не рэгістравалі і якія правялі палёт на руках у бацькоў. Нагадаем, першы вывазны рэйс адбыўся 18 лістапада, за ім было яшчэ некалькі.
На мінулым тыдні, у чацвер быў адменены вылет, запланаваны на 14.30. Як аказалася пасля, яго перанеслі на вечар. У СМІ сярод прычын называлі просьбу МЗС Ірака і невыкананне дамоўленасцей з іракскім авіяперавозчыкам па аплаце з боку ЕС.
Нагадаем, рэйс, анансаваны на панядзелак, 29 лістапада, таксама быў адменены.
Напярэдадні прэс-сакратар Міністэрства па справах міграцыі і перамешчаных асоб Ірака Алі Абас Джаханкер заявіў, што 30 лістапада авіякампанія Iraqi Airways выканае апошні рэйс па вывазе іракскіх мігрантаў з Беларусі.
Першапачаткова борт павінен быў прыбыць у Мінск у 12.25 і ў 13.45 вылецець у Эрбіль. На гэты момант аб прычынах адмены рэйса не паведамляецца.
Чытайце таксама:
МАМ паабяцала авіярэйс для мігрантаў, якія жадаюць вярнуцца з Беларусі ў Ірак
Вывазны рэйс Iraqi Airways з Мінска ў Эрбіль на панядзелак адменены
Польшча гатова аплаціць вяртанне мігрантаў з Беларусі на радзіму - прэм'ер