Выхадцы з краін Блізкага Усходу прыйшлі на прымежную тэрыторыю Беларусі і Польшчы 8 лістапада. Але польскія ўлады адмовіліся іх прапускаць на сваю тэрыторыю. Так пачалося вялікае супрацьстаянне - безабаронных людзей і ўзброеных салдат.
Міграцыйны крызіс на мяжы далёкі ад завяршэння. Так лічаць усе бакі: і бежанцы, і палякі, і беларускія ўлады.
Пункт пропуску "Брузгі-Кузніца" па-ранейшаму зачынены. Дарога, якая некалі злучала дзве краіны, перагароджана плотам і калючым дротам. Круглыя суткі тут дзяжураць польскія праваахоўнікі, на ўсялякі выпадак стаіць і польская бранятэхніка.
У лагістычным цэнтры мігранты жывуць амаль месяц. У асноўным гэта маладыя курды з Ірака. Ёсць сірыйцы, але іх менш. На радзіме небяспечна, гавораць яны, а яшчэ там няма перспектыў, таму людзі бягуць адтуль у Еўропу.
Бурхат прыехаў з Сулейманія, горада на ўсходзе Ірака, які адносіцца да Курдскага аўтаномнага раёна. Мужчына баіцца вяртацца дадому, таму што ў яго краіне неспакойна, а ўрад карумпаваны, да патрэб насельніцтва чыноўнікам няма справы.
"Калі мы вернемся ў Курдыстан, нас могуць абвінаваціць у тэрарызме. Пра гэта гавораць у сацыяльных сетках. Толькі варта нам вярнуцца назад. Там не будуць разбірацца, добрыя мы людзі ці дрэнныя. У нас будуць наступствы. Гэта вялізная трагедыя для нас. Курдыстан – гэта не пра правы чалавека. Маё вяртанне туды не дасць гарантый майго жыцця. Я застануся тут, я ніколі не вярнуся. І ніколі-ніколі не здамся", – заяўляе мігрант.
$5000 - сярэдняя сума, якую выдаткавалі мігранты з Ірака, Сірыі, Ірана на пуцёўку ў лепшае жыццё. Ім літаральна гарантавалі беспраблемны шлях у Германію, навучанне ў еўрапейскіх вну, работу з высокай аплатай працы. Але ў выніку мары бежанцаў літаральна разбіліся аб польскую памежную сцяну.
Нягледзячы на сумную сітуацыю, мігранты заяўляюць, што будуць стаяць да смерці і не адступяць. Бо ім няма чаго губляць. Гэтыя словы як рэха вайсковага часу, але ўжо мала хто прадстаўляе сітуацыю з бежанцамі на беларуска-польскай мяжы неяк інакш.
Таксама на Sputnik:
Стыхійны мітынг правялі бежанцы ў лагістычным цэнтры – відэа
Дом на паперы: малюнкі расказалі, пра што мараць дзеці бежанцаў - відэа
Мігрантаў усё менш: што адбываецца ў крызісным цэнтры на мяжы – відэа