У намінацыях выставы - юніёры, дарослыя, кастраты і ветэраны, усяго 153 прадстаўнікі сямейства каціных з розных гарадоў нашай краіны і Расіі.
Большасць удзельнікаў выставы - разводчыкі, для якіх удзел у выставе адначасова з'яўляецца магчымасцю атрымаць тытулы для сваіх грандыёзных прыгажуноў і прыгажунь. Бо дасведчаныя эксперты з абедзвюх краін ацэньваюць котак па вонкавым выглядзе: бездакорнасці поўсці, вачам, вушам, носу і падстрыжаным кіпцікамі.
Уважліва суддзі назіралі і за псіхалагічным станам жывёл, іх паводзінамі ў новым асяроддзі сярод шматлікіх гледачоў.
На сёлетняй выставе можна было ўбачыць самыя разнастайныя пароды: бірмы, мэйн-куны, бенгальскія, тайскія, сібірскія каты, сфінксы.
Аматары пухнатых хатніх гадаванцаў, якія прыйшлі палюбавацца на жывёлін, не хавалі, што атрымліваюць задавальненне і станоўчую энергію, назіраючы за ласкавымі пухнатымі звяркамі.