Па афіцыйнай інфармацыі, 15 снежня на беларуска-польскай мяжы стаялі 900 машын. Раніцай у чацвер, 16 снежня, чарга павялічылася да 1000 фур.
Такі рост зразумелы: з 15 снежня польскі бок пачаў патрабаваць ад дальнабойшчыкаў ПЦР-тэсты. Гэтая інфармацыя была апублікавана на сайце польскіх дзяржорганаў. Дальнабойшчыкі ж пра гэта даведаліся па факце: вадзіцеляў, якія прайшлі беларускі бок, на польскай мяжы проста разгарнулі.
Усё адбылося, па словах дальнабойшчыкаў, каля 11 раніцы ў сераду.
"Мы не ведалі, як быць. Бо дзе і як нам было зрабіць тэсты, калі мы ўжо апынуліся ў чарзе на мяжы?" - задаваліся пытаннямі вадзіцелі.
З серады да шасці раніцы чацвярга чарга на мяжы наогул не рухалася
© Sputnik / Светлана Яценюк
Дальнабойшчык Юрый стаіць у чарзе ўжо каля пяці дзён. Едзе з Масквы ў Германію. Ён расказаў, што адбывалася на беларуска-польскай мяжы ўчора і сёння раніцай:
"Вадзіцелі пра неабходнасць прадастаўляць ПЦР-тэсты даведаліся па факце. Учора да вечара, у раёне 18:00 на беларускім баку пад'ехалі спецыялісты з Брэсцкай абласной санэпідстанцыі, якія пачалі браць мазкі на ПЦР-тэст, а затым везлі іх у лабараторыю. Тэст робіцца 2 гадзіны. У дадатак яшчэ марнуецца час на дарогу да лабараторыі і назад на мяжу. У агульнай складанасці чакаць тэст трэба недзе 3 гадзіны. Тэсты робяцца платна. Каштуе каля 40 рублёў".
Спецыялісты санэпідслужбы бяруць мазкі ў дальнабойшчыкаў на ПЦР-тэст
© Photo : предоставлено собеседником
У Брэсцкім абласным цэнтры гігіены, эпідэміялогіі і грамадскага здароўя, у якім зараз робяць ПЦР-тэсты для дальнабойшчыкаў, знаходзіцца ўсяго адзін апарат для тэсціравання на кавід. Аднамаментна ён можа зрабіць 96 тэстаў, як гавораць вадзіцелі. Гэта значыць прапускная здольнасць зараз на мяжы - 96 машын за 2-3 гадзіны.
З учорашняга дня да шасці раніцы чарга на мяжы наогул не рухалася.
“Спачатку чарга не рухалася, бо не было ПЦР-тэстаў. А потым трэба было яшчэ чакаць, пакуль знікне калапс на тэрмінале. Уначы на 16 снежня тут на мяжы склалася няпростая сітуацыя. Беларускі бок зрабіў адзін запуск машын і потым прапусціў іх на польскі бок, зрабіўшы другі запуск на тэрмінал. Польскі бок увесь першы запуск разгарнуў. У выніку на беларускім тэрмінале назапасіліся машыны з двух запускаў - а гэта па нашых падліках было 1018 фур. Менавіта для гэтых вадзіцеляў брэсцкія спецыялісты з санэпідстанцыі ў першую чаргу і рабілі ПЦР-тэсты", - растлумачыў вадзіцель Юрый.
Цяпер, паводле слоў вадзіцеляў, сітуацыя крыху стабілізавалася. З 6 раніцы чарга на мяжы пачала рухацца.
Спецыялісты абласнога цэнтра гігіены, эпідэміялогіі і грамадскага здароўя наладзілі працу: адна брыгада бярэ мазкі на ПЦР-тэст на тэрмінале з беларускага боку, і пакуль першая партыя адпраўляецца на даследаванне, іншая брыгада бярэ мазкі ў вадзіцеляў, якія стаяць на кальцы ў раёне атэля "Белтаможсервіса".
Але паколькі працуе толькі адзін апарат па тэставанні на каронавірус, працу паскорыць нельга. Таму чэргі пакуль усё яшчэ захоўваюцца.