МІНСК, 22 сне – Sputnik. Прэзідэнт Беларусі Аляксандр Лукашэнка падзяліўся сваёй версіяй таго, як можна адказаць Літве на забарону паставак беларускай прадукцыі праз Клайпедскі порт.
Ён адзначыў, што ўзаемны тавараабарот Украіны, напрыклад, з Літвой склаў у гэтам годзе каля трох мільёнаў тон. Усе гэтыя грузы праходзяць у тым ліку праз гомельскі ўчастак дзяржмяжы і далей практычна праз усю Беларусь.
На яго думку, у гэтым плане ёсць салідны патэнцыял для адказу на "ўсю гэтую літоўскую чахарду па Клайпедскім порце".
"Я не разумею, чым літоўцы думаюць, напіраючы на нас. Мы закрыем гэты транзіт, няхай ездзяць праз Германію або паспрабуюць праз Польшчу – будзе ў тры разы даражэй", - сказаў Лукашэнка на прадстаўленні новага губернатара Гомельскай вобласці, яго цытуе БелТА.
Транзіту праз Літву не будзе?
Беларускі калій працягвае перамяшчацца па літоўскіх чыгунках да балтыйскага порта, нягледзячы на еўрапейскія і амерыканскія санкцыі. Справа ў тым, што еўрапейскія санкцыі супраць "Беларуськалія" не распаўсюджваюцца на асноўныя віды калійных удабрэнняў і кантракты, заключаныя да 25 чэрвеня 2021 года.
На фоне санкцый ЗША Літва захацела спыніць транзіт, але "Літоўскія чыгункі" працягваюць перавозку калійнай прадукцыі, за які была атрымана перадаплата.
Раней літоўскі Мінтранс падрыхтаваў законапраект, які забараняе транзіт тавараў з Беларусі. Калі ён будзе прыняты Сеймам, транзіт беларускіх удабрэнняў праз Літву спыніцца.
Чытайце таксама:
Вільнюс заявіў аб жаданні суседзяў пераманіць транзіт грузаў з Беларусі
Літоўскі дэпутат заклікаў не спыняць транзіт "Беларуськалія"
Беларусь ставіць рэкорды па экспарце сваіх тавараў праз Эстонію – СМІ
Урад Літвы можа сысці ў адстаўку – уся справа ў няспыненым транзіце
Грузы "Беларуськалія" будуць праходзіць праз Літву да студзеня