МІНСК, 29 сне – Sputnik. Інтэрв'ю, якое даў прэзідэнт Беларусі гендырэктару МІА "Россия сегодня" Дзмітрыю Кісялёву, вельмі доўга і шырока абмяркоўвалася, паведаміла прэс-сакратар прэзідэнта Беларусі Наталля Эйсмант у эфіры тэлеканала "Беларусь 1".
"Выдатная атрымалася размова з Дзмітрыем Кісялёвым. Вельмі доўга і шырока яе абмяркоўвалі", – сказала Эйсмант.
Гэтае інтэрв'ю з беларускім лідарам стала першым для вядомага расійскага журналіста, раней яны не сустракаліся.
Паводле слоў гендырэктара МІА "Россия сегодня", дзякуючы гэтай размове Лукашэнка лепш для яго адкрыўся як чалавек, "гэтае інтэрв'ю дае падставы для таго, каб лепш зразумець логіку дзеянняў прэзідэнта", адзначыў Кісялёў па выніках размовы, якая доўжылася каля дзвюх з паловай гадзін.
Яшчэ адно інтэрв'ю
Прэс-сакратар адзначыла, што ў хуткім часе чакаецца яшчэ адно вельмі цікавае інтэрв'ю. Размова ідзе пра расійскага журналіста Уладзіміра Салаўёва.
"Мы цяпер мэтанакіравана рухаемся па гэтым шляху. Па нашым плане, калі ўсё будзе нармальна, наш інфармацыйны 2022 год мы адкрыем вялікай размовай Аляксандра Лукашэнкі і Уладзіміра Салаўёва. Я ўпэўнена, што ў нас усё атрымаецца і што будзе вельмі цікава", - дадала яна.
Таксама на Sputnik:
Кісялёў аб сустрэчы з Лукашэнкам: размаўлялі больш за 2 гадзіны, размова была напружанай
Вялікае інтэрв'ю Аляксандра Лукашэнкі Дзмітрыю Кісялёву - поўная версія
Аляксандр Лукашэнка даў інтэрв'ю Дзмітрыю Кісялёву