МІНСК, 31 сне – Sputnik. У Беларусі "вайна" не скончана, у наступным годзе давядзецца ратаваць людзей, заявіў прэзідэнт рэспублікі Аляксандр Лукашэнка медыкам падчас наведвання РНПЦ "Маці і дзіця".
Рабочая пятніца перад надыходам Новага года выдалася ў прэзідэнта вельмі насычанай. Раніцай ён паспеў правесці трэніроўку ў хакей. Пасля чаго павіншаваў сваю каманду з надыходзячымі святамі.
Пасля чаго беларускі лідар накіраваўся ў новы корпус РНПЦ "Маці і дзіця", дзе спецыялісты выходжваюць дзяцей, якія нараджаюцца неданошанымі.
Пасля наведвання палат і размовы з персаналам кіраўнік дзяржавы зрабіў фатаграфіі на памяць з маладымі мамамі і іх груднымі дзецьмі, а таксама ўручыў падарункі.
"Засталося павіншаваць народ з Новым годам і падпісаць указ аб Годзе гістарычнай памяці", - цытуе Лукашэнку БелТА.
Прэзідэнт выказаў удзячнасць медыкам і папярэдзіў, што наперадзе ўсіх чакае няпросты год, таму не трэба зараз расслабляцца.
"Таму што хто яго ведае, як будзе складацца абстаноўка. І справа не ў пандэміі, каронавірусе. Гэта мы ўжо навучыліся лячыць, мы гэта вылечым. Але нам трэба быць напагатове і гатовымі да ўсіх падзей", - удакладніў беларускі лідар.
Напрыканцы візіту ў РНПЦ Лукашэнка канстатаваў, што "ў нас "вайна" не скончана, у наступным годзе нам давядзецца ратаваць людзей".
Чытайце таксама:
Лукашэнка даручыў стварыць банк дадзеных ЭКА не горш, чым у Расіі
Лукашэнка напярэдадні Новага года правёў хакейную трэніроўку
Лукашэнка пажадаў моладзі не перабіраць цераз край