Стала вядома, колькі каштуе перавалка нафтапрадуктаў праз парты ў Расіі

МІНСК, 31 сне – Sputnik. Тарыфы на перавалку беларускіх нафтапрадуктаў праз парты Ленінградскай вобласці былі ўстаноўлены пагадненнем, падпісаным у лютым 2020 года, гаворыцца ў тэксце дакумента, апублікаванага на Нацыянальным прававым партале.

У пагадненні прапісаны аб'ём перавалкі нафтапрадуктаў, запланаваны на 2021-2023 гады. Лічба ў 9,836 мільёна тон поўнасцю адпавядае той, што агучвалася раней чыноўнікамі.

Кошт перавалкі тоны мазуту і алеяў за тону складае 13,5 долара, газойлю – 15,46 долара, бензіну – 9,5 або 10,5 долара ў залежнасці ад канчатковай кропкі маршруту.

Цікава, што канкрэтны кошт паслугі фіналізуецца дагаворамі паміж суб'ектамі гаспадарання ў расійскіх рублях, але адштурхоўваючыся ад тарыфу, прапісанага ў пагадненні.

Таксама ў дакуменце ўстаноўлена цана на паслугі кампаній-аператараў па прадастаўленні рухомага саставу, чыгуначныя тарыфы на перавозку па тэрыторыі Беларусі і Расіі.

Перавозкі і перавалка тоны мазуту складае – 31,3 долара, газойлю – 30 і 35 долараў за тону ў залежнасці ад канчатковай кропкі маршруту, бензіну – 28,9 і 29,2 долара, масел – 27,2 долара.

Ключавым момантам у дакуменце можна назваць прынцып ажыццяўлення перавалкі беларускіх нафтапрадуктаў. Пастаўкі на экспарт ідуць па схеме "take-or-pay" ("бяры або плаці" - Sputnik). Гэта значыць, што беларускі бок у выпадку, калі аб'ём паставак будзе істотна ніжэйшы за запланаваны, усё роўна аплаціць забраніраваныя паслугі. Пры гэтым па месяцах дапускаецца адхіленне ў плюс або мінус 10% ад запланаванага аб'ёму грузаў.