МІНСК, 9 сту - Sputnik. З-за дэмантажу пуцеправода на Нямізе маршруты руху транспарту ў цэнтры горада істотна памяняюцца. Гэта закране як пасажырскі грамадскі транспарт, так і астатнія сродкі перамяшчэння, паведамляецца ў афіцыйным Telegram-канале Мінгарвыканкама.
З 8 студзеня па 10 лютага рух транспарту забаронены:
па вуліцы Леніна на ўчастку ад перасячэння з вуліцай Інтэрнацыянальнай да перасячэння з вуліцай Няміга;
па праспекце Пераможцаў на ўчастку ад перасячэння вуліцы Няміга да перасячэння з вуліцай Мельнікайтэ;
па вуліцы Няміга на ўчастку ад перасячэння з вуліцай Гарадскі Вал да перасячэння з вуліцай Янкі Купалы.
Як зменіцца рух грамадскага транспарту
З улікам забароны руху па трох участках рух гарадскіх аўтобусаў зменіцца наступным чынам:
па маршрутах № 1, 69, 119с рух арганізоўваецца ад вакзала па пр. Незалежнасці, вул. Гарадскі Вал, вул. Раманаўская Слабада, вул. Мельнікайтэ, пр. Пераможцаў і далей па маршрутах у абодвух напрамках;
па маршруце № 73 арганізоўваецца ад плошчы Ф. Багушэвіча па вул. Няміга, вул. Раманаўская Слабада, вул. Мельнікайтэ, пр. Пераможцаў і далей па маршруце ў прамым і зваротным напрамках;
па маршруце № 57 арганізоўваецца ад вул. Ульянаўская па вул. Янкі Купалы, пр. Незалежнасці, вул. Гарадскі Вал, вул. Няміга і далей па маршруце ў абодвух напрамках;
па маршруце №24 арганізоўваецца па вул. Куйбышава, вул. Янкі Купалы, пр. Незалежнасці, вул. Гарадскі Вал, вул. Няміга ў абодвух напрамках;
па маршруце №38 арганізоўваецца па вул. Багдановіча, вул. Янкі Купалы, пр. Незалежнасці, вул. Бабруйская ў абодвух напрамках;
па маршруце №91 арганізоўваецца па вул. Куйбышава, вул. Янкі Купалы, пр. Незалежнасці, вул. Гарадскі Вал, вул. Раманаўская Слабада, вул. Мельнікайтэ, пр. Пераможцаў у абодвух напрамках;
па маршруце №163 арганізоўваецца ад вул. Няміга па вул. Раманаўская Слабада, вул. Мельнікайтэ, вул. Заслаўская і далей па маршруце, у зваротным напрамку без змен;
па маршруце № 188С арганізоўваецца ад вул. Кальварыйская па вул. Дамашэўская, пр. Машэрава, вул. М. Багдановіча і далей па маршруце ў абодвух напрамках (у бок Брылевіч пасадка пасажыраў будзе адбывацца на прыпыначным пункце "Камуністычная").
Шэраг тралейбусных маршрутаў таксама зменіцца:
па маршруце №37 з боку вул. К. Чорнага рух арганізоўваецца па вул. Сурганава з разваротам на пл. Бангалор і далей па маршруце;
па маршруце № 29 з боку вул. К. Чорнага арганізоўваецца па вул. Куйбышава, вул. Я. Купалы, вул. М. Багдановіча, пр. Машэрава, вул. Куйбышава і далей па маршруце;
па маршруце № 46 з боку пл. Бангалор арганізоўваецца па вул. М. Багдановіча, вул. В. Харужай, вул. Куйбышава, вул. Я. Купалы, вул. М. Багдановіча і далей па маршруце.
У Мінгарвыканкаме звярнулі ўвагу, што рух тралейбусаў з павялічаным аўтаномным ходам па маршрутах № 40, № 53 арганізоўваецца ад пл. Ф. Багушэвіча па вул. Няміга, вул. Гарадскі Вал, пр. Незалежнасці, вул. Янкі Купалы і надалей па маршруце.
Тралейбусы па маршрутах №37, №29, №46 з боку ст. м. "Плошча Францішка Багушэвіча", а таксама па маршруце нумар 12 будуць часова адменены.
Тым, хто прывык перамяшчацца на маршрутках, таксама давядзецца скарэкціраваць свае планы:
рух па маршрутах № 1111-ТК, 1008-ТК арганізоўваецца ад вул. Куйбышава па пр. Машэрава, вул. Дамашэўская ў абодвух напрамках;
па маршрутах № 1119-ТК арганізоўваецца ад пр. Незалежнасці па пр. Машэрава, пр. Пераможцаў у напрамку арт. Ждановічы, па пр. Пераможцаў, пр. Машэрава, вул. Чырвоная, пр. Незалежнасці і далей па маршруце ў зваротным напрамку;
па маршрутах №1053-ТК, 1153-ТК арганізоўваецца ад вул. М. Багдановіча па вул. Я. Купалы, пр. Незалежнасці, вул. Бабруйская, вул. К. Цэткін, пр. Дзяржынскага ў абодвух напрамках;
па маршруце № 1024-ТК ад вул. Куйбышава арганізоўваецца па вул. Я. Купалы, пр. Незалежнасці вул. Бабруйская і далей па маршруце ў прамым напрамку; ад вул. Маскоўскай па вул. К. Цэткін, пр. Незалежнасці, вул. Я. Купалы, вул. Куйбышава і далей па маршруце ў зваротным напрамку;
па маршрутах № 1146-ТК, 1346-ТК арганізоўваецца вул. М. Багдановіча па вул. Я. Купалы, пр. Незалежнасці, вул. Бабруйская, вул. Мяснікова, вул. Маскоўская і далей па маршруце ў прамым напрамку, ад вул. Маскоўскай па вул. Бабруйскай, пр. Незалежнасці, вул. Я. Купалы, вул. М. Багдановіча і далей па маршруце ў зваротным напрамку;
па маршруце № 1056-ТК арганізоўваецца ад вул. Бабруйская па вул. Мяснікова, вул. Няміга, вул. Раманаўская Слабада, вул. Мельнікайтэ, пр. Пераможцаў і далей па маршруце, у зваротным напрамку па пр. Пераможцаў, вул. Мельнікайтэ, вул. Раманаўская Слабада, вул. Гарадскі Вал, пр. Незалежнасці і далей па маршруце;
па маршруце № 1073-ТК арганізоўваецца ад вул. Няміга па вул. Раманаўская Слабада, вул. Мельнікайтэ, пр. Пераможцаў і далей па маршруце, у зваротным напрамку па пр. Пераможцаў, вул. Няміга і далей па маршруце.
Што адбылося
У ноч з 7 на 8 студзеня абрушыўся пуцеправод па праспекце Пераможцаў праз вуліцу Няміга. Па шчаслівай выпадковасці ніхто не пацярпеў.
Створаны аператыўны штаб, які ўзначальвае намеснік старшыні Мінгарвыканкама Аляксандр Дараховіч. Сярод прычын надзвычайнага здарэння называецца стомленасць канструкцыі ў сувязі з работай метро, перападамі тэмпературы.
Работы па дэмантажу канструкцыі зойме прыкладна тыдзень. Пасля гэтага будаўнікі зоймуцца аднаўленнем усяго пуцеправода. На гэта спатрэбіцца некалькі месяцаў. Пры гэтым праектаванне і будаўніцтва будуць весціся паралельна, у кругласутачным рэжыме.
У сакавіку мінулага года пуцеправод быў абследаваны ў планавым парадку. Спецыялісты далі заключэнне аб яго прыдатнасці да эксплуатацыі.