МІНСК, 20 сту – Sputnik. Прэзідэнт Аляксандр Лукашэнка лічыць, што Беларусь і Тыва павінны больш актыўна развіваць турыстычныя сувязі.
Сёння ён сустракаўся ў Мінску з кіраўніком Рэспублікі Тыва Уладзіславам Хавалыгам.
"Я ўжо сказаў аб той казачнай прыгажосці і прыродзе, таму мы павінны развіваць турызм паміж Беларуссю і Тывой. Турыстычныя сувязі павінны быць лепшымі", - адзначыў Лукашэнка.
Гаворачы аб важнасці развіцця двухбаковых сувязей і супрацоўніцтва ў навуцы, адукацыі, культуры, інфармацыйнай сферы, прэзідэнт выказаў меркаванне, што ў Беларусі павінны больш ведаць пра гэты расійскі рэгіён.
"Трэба, каб вы прысутнічалі ў Беларусі, а Беларусь у інфармацыйнай прасторы Тывы", - сказаў Лукашэнка.
Ён таксама павіншаваў кіраўніка Тывы з Новым годам па ўсходнім календары.
"Карыстаючыся выпадкам, віншую Вас з надыходзячым Новым годам па месячным календары. Вы людзі шчаслівыя, вы адсвяткавалі 1 студзеня Новы год, праз месяц – другога лютага – Новы год, гэта добрая для людзей традыцыя. Ведаю, што свята Шагаа называецца, адзначаецца вельмі шырока. Таму жадаю вам шчасця і дабрабыту".
Прэзідэнт падкрэсліў, што ў Беларусі вельмі зацікаўлены, каб у "казачным, прыгожым, але няпростым краі" людзі жылі спакойна, нягледзячы на розныя пандэміі".