МІНСК, 10 лют – Sputnik. Прэзідэнт Беларусі Аляксандр Лукашэнка прызначыў міністрам сельскай гаспадаркі краіны Ігара Брыло, паведамляе Telegram-канал Пул першага.
Папярэдні міністр Іван Крупко прабыў на пасадзе крыху больш за год і 21 снежня 2021 года быў прызначаны старшынёй Гомельскага аблвыканкама. З таго моманту пасада і кабінет міністра былі вакантныя.
Ігар Брыло нарадзіўся ў 1972 годзе ў Барысаве і мае ў сваім актыве тры дыпломы аб вышэйшай адукацыі.
Міністр у розныя гады завяршыў наступныя навучальныя ўстановы:
1996 год – Віцебская дзяржаўная акадэмія ветэрынарнай медыцыны,
2008 год – Беларускі дзяржаўны эканамічны ўніверсітэт,
2015 год – Акадэмія кіравання пры Прэзідэнце Рэспублікі Беларусь.
Высокапастаўлены чыноўнік мае пасведчанне кандыдата сельскагаспадарчых навук, дацэнта.
Пачынаў сваю кар’еру будучы міністр у якасці ўрача-эпізаатолага Барысаўскай раённай станцыі па барацьбе з хваробамі жывёл.
Пасля шэрага пасад ён у 2011 годзе заняў крэсла першага намесніка старшыні, начальніка ўпраўлення сельскай гаспадаркі і харчавання Барысаўскага райвыканкама.
У 2013 годзе перайшоў на пасаду намесніка міністра ў міністэрства сельскай гаспадаркі, у мінулым годзе яго павысілі да першага намесніка, а 10 лютага 2022 года ён узначаліў ведамства.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Гомельскую вобласць узначаліў былы міністр сельскай гаспадаркі
Былы міністр юстыцыі пераходзіць на працу ў МЗС Беларусі
Новы кіраўнік прызначаны ў ЦВК Беларусі
Лукашэнка прызначыў новага міністра юстыцыі
Прэзідэнт прызначыў новых памочнікаў па Мінскай і Гомельскай абласцях