МІНСК, 18 лют – Sputnik. На ўчастках для галасавання на канстытуцыйным рэферэндуме будуць абсталяваны трывожныя кнопкі для выкліку праваахоўнікаў, паведаміў начальнік галоўнага ўпраўлення аховы правапарадку і прафілактыкі МГБ МУС Аляксандр Купчэня на прэс-канферэнцыі.
Праваахоўнікі ўлічылі вопыт 2020 года і гатовы аператыўна рэагаваць на рызыкі і пагрозы. Міліцыя будзе ахоўваць участкі круглыя суткі, а з 21 па 28 лютага аператыўна-сітуацыйныя штабы пяройдуць на кругласутачную работу.
Як адзначыў Купчэня, праваахоўнікі пераведзены на ўзмоцнены рэжым нясення службы, прадугледжаны дадатковыя мабільныя групы ў поўнай экіпіроўцы. Акрамя таго, для аховы грамадскага парадку прыцягнуць добраахвотныя дружыны.
"Органы ўнутраных спраў прымаюць удзел у абследаванні памяшканняў для галасавання на прадмет іх тэхнічнай умацаванасці. Усе аб'екты з участкамі для галасавання, якія размешчаны ў зонах рэагавання груп затрымання дэпартамента аховы, будуць аснашчаны ручнымі сродкамі трывожнай сігналізацыі", - сказаў прадстаўнік МУС.
Ён адзначыў, што асаблівую ўвагу міліцыя ўдзяляе фактам пашкоджання будынкаў і збудаванняў. Размова ідзе аб нанясенні надпісаў і размяшчэнні ўлётак экстрэмісцкага і іншага зместу.
"Аператыўныя і іншыя мерапрыемствы па выяўленні такіх правапарушэнняў прадаўжаюцца, сіл і сродкаў для гэтага дастаткова", - падкрэсліў Купчэня.
Паводле яго слоў, следчымі органамі ўжо распачаты дзевяць спраў, "у тым ліку за перашкоду праву на ўдзел у рэферэндуме, незаконныя дзеянні ў адносінах да інфармацыі аб персанальных звестках, паклёп і псаванне маёмасці".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Мінск ужо акрэдытаваў амаль 130 міжнародных наглядальнікаў на рэферэндум
Можна і датэрмінова: выбаршчыкаў запрашаюць узяць удзел у рэферэндуме
ЕC не будзе накіроўваць назіральнікаў на рэферэндум у Беларусь