Шэдэўр сюррэалізму Рэнэ Магрыта і віцебская хата Шагала выстаўлены на аўкцыён

Адна з самых загадкавых карцін XX стагоддзя, сапраўдны шэдэўр сюррэалізму, была напісана для музы мастака Ан-Мары Крове ў 1961 годзе і да гэтага часу заставалася ў сямейным зборы.

"Імперыя святла" - уваходзіць у серыю з 17 работ, створаных Магрытам з 1940-х па 1960-я гады. Сюжэт для сваіх загадкавых карцін Магрыт, магчыма, запазычыў з верша Андрэ Брэтана "Чапля", які ён добра ведаў і які пачынаецца са слоў: "Калі б сёння ноччу выйшла сонца". Цікава, што цыклам Магрыта "Імперыя святла" натхнёная адна са сцэн фільма жахаў "Выганяючы д'ябла".

На аўкцыёне таксама прадстаўлены пяць работ Клода Манэ, напісаных у перыяд з 1880-х па 1890-я гады, калі ён адышоў ад імпрэсіянізму, агульнай ацэнкай у 50 мільёнаў долараў. Работа з хрызантэмамі натхнёная жывапісам японскага мастака-гравера Кацусікі Хакусая.

Таксама выстаўлена работа Манэ 1914-1917 гадоў з яго знакамітай шырокай серыі "Гарлачыкі".

У чаканні новага ўладальніка - позняя работа Марка Шагала "Пейзаж з хатай" (1968). На карціне - ціхамірнае дрэва яго віцебскага жыцця, хаты танчаць, асёл зазірае за плячо жанчыны, якая чакае дзіця. Работа майстра будзе прадстаўлена на аўкцыёне 2 сакавіка з эстымейтам 1,5-2 млн фунтаў стэрлінгаў.

Цяперашні гаспадар набыў карціну ў 2015 годзе за 1 659 000 еўра.

П'ер Агюст Рэнуар "Бюст жанчыны ў профіль" (1984). Карціна выстаўлена з эстымейтам 6-8 млн фунтаў стэрлінгаў.

"Бюст жанчыны, якая абапіраецца на локаць" Пабла Пікасо – 10-15 млн фунтаў стэрлінгаў.

На Sotheby's таксама прадстаўлена работа "Холм Гароўбі" брытанскага мадэрніста Дэвіда Хокні, які большую частку жыцця пражыуў у Каліфорніі.

Сярод удзельнікаў аўкцыёну работы Фернана Лежэ, Хуана Грыса, Васілія Кандзінскага, Вінцэнта Ван Гог і іншых.