МІНСК, 4 сак - Sputnik. Прэзідэнт РФ Уладзімір Пуцін даручыў губернатару Ленінградскай вобласці дапамагаць развіццю праектаў Беларусі на Балтыцы, аб гэтым ён заявіў у пятніцу падчас цырымоніі ўзняцця сцяга на новым пароме "Маршал Ракасоўскі" ў рэжыме відэаканферэнцыі.
Кіраўнік расійскай дзяржавы адзначыў, што наконт гэтага гутарыў сёння па тэлефоне са сваім беларускім калегам Аляксандрам Лукашэнкам.
"Нашы беларускія сябры зацікаўлены ў тым, каб прысутнічаць на Балтыцы, зацікаўлены ў развіцці сваіх уласных партовых збудаванняў. <…> Я гэта таксама падтрымліваю, я прасіў вас аказаць усялякае садзейнічанне", - звярнуўся Пуцін да губернатара Ленінградскай вобласці Аляксандра Драздзенкі.
Ён таксама сказаў, што планы Беларусі па пабудове там порта маюць вялікае значэнне не толькі для РБ, але і для Расіі, паколькі развіваецца інфраструктура, павялічваюцца грузаперавозкі.
"Усе выгады, якія будзе атрымліваць Беларусь, таксама будуць у значнай ступені распаўсюджвацца на эканоміку РФ. Мы ў гэтым таксама зацікаўлены, таму я вас прашу ўсе гэтыя пачынанні падтрымаць", - дадаў прэзідэнт РФ.
Беларускі тэрмінал у Ленвобласці
Раней падчас сустрэчы ў Маскве двух прэзідэнтаў 18-19 лютага размова ішла аб будаўніцтве беларускага порта ў Ленінградскай вобласці. Пуцін на просьбу беларускага калегі аддаў распараджэнне, каб Беларусь змагла пабудаваць свой порт у Ленінградскай вобласці.
Лукашэнка, у сваю чаргу, даў указанне пачаць будаўніцтва неадкладна. "Мы зможам перавальваць там мільёны тон грузаў", – сказаў ён.
Спецаперацыя ва Украіне
Прэзідэнты Расіі і Беларусі падчас тэлефоннага званка ў пятніцу сярод іншага абмеркавалі ход спецаперацыі РФ ва Украіне, паведамляецца на сайце Крамля.
Уладзімір Пуцін праінфармаваў беларускага калегу, што задачы аперацыі, якая ідзе згодна з планам, вырашаюцца і будуць выкананы ў поўным аб'ёме. Аляксандр Лукашэнка ў сваю чаргу выказаў падтрымку дзеянням расійскага боку.
>>> Больш актуальных і цікавых навін – у Telegram-канале Sputnik Беларусь
Таксама на Sputnik:
Лукашэнка дзве гадзіны абмяркоўваў па тэлефоне з Пуціным санкцыі Захаду
Пуцін распавёў аб ходзе спецаперацыі ва Украіне - відэа
Трэці раунд перамоў Расіі і Украіны пройдзе на наступным тыдні