Карты, наяўныя і валюта: новыя абмежаванні ад беларускіх банкаў

Адным з апошніх новыя абмежаванні ўвёў Белгазпрамбанк. Найбуйнейшы беларускі банк з расійскім капіталам з 16 сакавіка ўстанавіў 100-доларавы ліміт на зняцце наяўных з карткі за адны суткі. Больш за тое, за месяц па гэтай жа карце нельга здымаць больш за 500 долараў.

Якія яшчэ абмежаванні ўвялі банкі - у матэрыяле Sputnik.

Беларусбанк з 13 сакавіка часова ўвёў абмежаванне на зняцце наяўных сродкаў з некаторых плацежных картак. Абмежаванні закранулі карты Visa, Mastercard і Maestro, аформленыя з адкрыццём рахунку толькі ў беларускіх рублях. Максімальная сума, якую можна будзе зняць за суткі, - у эквіваленце 400 беларускіх рублёў. Ліміт дзейнічае толькі за мяжой, у Беларусі зняць наяўныя можна без праблем.

Па зняцці валюты з рахункаў і ўкладаў абмежаванняў у банку пакуль няма.

Акрамя таго, найбуйнейшы банк краіны ўвёў камісію за зняцце долараў і еўра з карты, выпушчаных іншымі банкамі, а таксама за мяжой. Раней яна складала 3% ад выдадзенай сумы, а з 14 сакавіка вырасла да 20% (!). Для беларускіх рублёў працэнт не змяніўся - 2,5% ад сумы.

Белінвестбанк часова ўстанавіў з 16 сакавіка ліміты на аперацыі безнаяўнага папаўнення картак - не больш за 100 долараў або еўра. Выключэнне - аперацыі здзяйсняюцца наяўнымі доларамі і еўра.

Па плацежных картках прыпынены перавод з картак у расійскіх рублях на карткі, рахункі і ўклады ў доларах ЗША і еўра. А таксама перавод грашовых сродкаў з рахункаў і ўкладаў у расійскіх рублях на карткі ў доларах ЗША і еўра.

Прыпынены ўнёсак наяўных расійскіх рублёў на валютныя карткі, а таксама выдача замежнай валюты з картак, аформленых у расійскіх ці беларускіх рублях.

Таксама офісы банка часова часова перасталі прадаваць безнаяўную валюту фізічным асобам, пералічваючы грошы з укладаў, аформленых у беларускіх і расейскіх рублях. Акрамя таго, пры абмене валюты долар і еўра не канвертуюцца з расійскім рублём у касах банка - гэта тычыцца фізічных асоб.

Ліміт на зняцце долараў з банкаўскіх карт устанавіў з 14 сакавіка Белаграпрамбанк. Адзначаецца, што больш за 100 долараў нельга будзе зняць у банкаматах, перавесці праз інфакіёскі, сістэмы дыстанцыйнага банкаўскага абслугоўвання, а таксама расплаціцца ў анлайн-крамах.

Што тычыцца картак, якія аформлены ў замежнай валюце, па іх таксама ўстаноўлены ліміт на зняцце не больш за 100 долараў у эквіваленце за месяц. Безнаяўныя аперацыі можна будзе праводзіць без абмежаванняў.

Ліміт на зняцце наяўных з картак, аформленых у беларускіх рублях і замежнай валюце, за мяжой таксама ўстаноўлены ў памеры не больш за 100 долараў.

Па картках банка не ўводзіліся абмежаванні на разлікі ўнутры краіны і за мяжой, акрамя Расіі. У сувязі са спыненнем працы на расійскім рынку міжнародных плацежных сістэм Visa і Mastercard з 10 сакавіка гэтыя карткі банка ў РФ не абслугоўваюцца.

Па картках іншых плацежных сістэм, напрыклад, таго ж "БЕЛКАРТ-Мір", можна разлічыцца і зняць наяўныя грошы ў 12 краінах свету. Сутачны ліміт - не больш за 700 рублёў у дзень за межамі Беларусі.

Што тычыцца замовы замежнай валюты ў банку, можна звярнуцца ў любое з аддзяленняў або патэлефанавацца ў банкаўскі кол-цэнтр. Заказы прымаюцца адзін раз у 14 банкаўскіх дзён па буднях - можна замовіць ад 10 да 3000 долараў. Атрыманне валюты - на 14-ы банкаўскі дзень.

Гэты банк таксама, як і многія, увёў ліміт на зняцце валюты з картак у сваіх банкаматах - да 100 даляраў у суткі. Максімальная сума ў рублях, якую можна зняць у банкаматах цягам сутак, складае 20 тысяч беларускіх рублёў.

Таксама "Дабрабыт" з 16 сакавіка абмежаваў максімальную суму замовы і выдачы замежнай валюты. За месяц - не больш за 3 тысячы долараў, 3 тысячы еўра і 350 тысяч расійскіх рублёў.

З 14 сакавіка "Сбер Банк" абмежаваў сутачныя ліміты на выдачу долараў і еўра з плацежных картак. Датычыцца гэта цэлага шэрагу карт, а менавіта:

- Visa Electron, Maestro, Visa Virtuon, MasterCard Virtual, Visa Classic, MasterCard Standard, MasterCard SAP Standard, БЕЛКАРТ-Прэміум - не больш за 400 долараў;

- Visa Gold, MasterCard Gold, MasterCard SAP Gold, MasterCard World, Visa Rewards, Visa Platinum, MasterCard Platinum, MasterCard SAP Platinum, Visa Signature - у эквіваленце 500 долараў;

- Visa Infinite, Visa Infinite Ultra, MasterCard World Black Edition - не больш за 1000 даляраў.
Раней некаторыя беларускія банкі растлумачылі ўкладчыкам, як зараз можна забраць грошы са сваіх рахункаў, а ў Банкаўскім працэсінгавым цэнтры расказалі пра беларускую альтэрнатыву Visa.