МІНСК, 22 сак - Sputnik. Масква хацела б больш змястоўных перамоў з Кіевам, яны ідуць павольней, чым хацелася б, заявіў прэс-сакратар прэзідэнта Расіі Дзмітрый Пяскоў.
Аб рэферэндуме на Украіне
Прэзідэнт Украіны Уладзімір Зяленскі раней заявіў, што ўмовы Расіі на перагаворах будуць вырашацца на агульнанацыянальным рэферэндуме. Каменціруючы гэту заяву, Дзмітрый Пяскоў адзначыў, што гэта ўнутрыдзяржаўныя працэдуры суверэннай дзяржавы Украіны, але не трэба забываць і аб перагаворах.
"Але акрамя гэтага ёсць і субстанцыя, якая знаходзіцца на стадыі перагавораў дзвюх дэлегацый. Я не магу ўрывацца ў дэталі гэтых субстанцый, мы перакананы, што цяпер вынясенне іх на публіку можа толькі пашкодзіць перагаворнаму працэсу", – падкрэсліў Пяскоў.
Пры гэтым ён дадаў, што перамовы Расіі і Украіны ідуць "павольней і менш змястоўна, чым хацелася б".
Аб перамовах Расіі і Украіны
Што датычыцца работы дзвюх дэлегацый па дасягненню кампрамісаў на перагаворах, то "тут нейкі працэс ідзе", хоць і не так актыўна, зазначыў Пяскоў. Паводле яго слоў, Расія перадала Украіне праекты дакументаў па дасягненні кампрамісаў - на нешта Кіеў адказаў, на штосьці не. Пазіцыя і ўмовы Расіі па ўсіх пытаннях застаюцца нязменнымі.
"Яны добра вядомыя ўкраінскаму боку. Вось усё, што я магу сказаць. І яны растлумачаны не толькі вусна, але і вельмі дакладна сфармуляваны і пісьмова, і ўсе неабходныя праекты дакументаў дастаткова ўжо шмат дзён таму, у нашых умовах шмат дзён таму былі перададзены ўкраінцам", - падкрэсліў прэс-сакратар Уладзіміра Пуціна.
Меркаваную дату наступнага раунда перамоў Расіі і Украіны ён называць не стаў, спаслаўшыся на "зусім плаваючы графік" такіх абмеркаванняў. Пяскоў таксама дадаў, што Крэмль не будзе публікаваць праекты дакументаў, дзе выкладзена перагаворная пазіцыя Расіі.
Падтрымка большасці
Прыкладна 75% расіян, па словах Пяскова, падтрымліваюць спецаперацыю РФ - аб гэтым сведчаць апытанні і статыстыка. Астатніх таксама імкнуцца пачуць.
"Меркаванне чуюць, але ўсё ж меншасць ёсць меншасць", - заявіў прэс-сакратар прэзідэнта Расіі.
Паводле яго слоў, цяпер у краіне праходзіць актыўнае тлумачэнне мэт гэтай аперацыі, тлумачацца прычыны, якія да яе прывялі. Крэмль спадзяецца, што людзі зразумеюць, што адбываецца.
"Акрамя таго, вельмі важна, каб тыя, хто не згодны, пачыналі арыентавацца ў тых патоках хлусні, якія ідуць з Захаду аб тым, што адбываецца і разумелі, што не ўсё праўда, што там даецца ў навінах", - дадаў Дзмітрый Пяскоў.
>>> Больш актуальнай інфармацыі – у Telegram-канале Sputnik Беларусь
Чытайце таксама:
Патрэбна дамашняя работа: Пяскоў пра магчымую сустрэчу Пуціна і Зяленскага
Пяскоў распавёў аб варыянтах кампрамісаў на перамовах Расіі і Украіны
Мядзінскі: на перамовах з Украінай ёсць прагрэс па шэрагу пазіцый - відэа