МІНСК, 27 сак - Sputnik. Штармавое папярэджанне аб'яўлена ў Беларусі на нядзелю 27 сакавіка, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Паводле інфармацыі беларускіх сіноптыкаў, у рэспубліцы захоўваецца ветранае надвор'е.
"У нядзелю ў многіх раёнах рэспублікі і ў Мінску чакаецца ўзмацненне паўночна-заходняга ветру парывамі да 15-20 метраў за секунду", - сказалі ў Белгідрамеце.
Там таксама ўдакладнілі, што і ў панядзелак 28 сакавіка ў ранішнія і дзённыя гадзіны зноў чакаецца моцны вецер.
З-за неспрыяльных умоў надвор'я ў краіне аб'яўлены другі (аранжавы) узровень небяспекі.
Паводле звестак Белгідрамета, у цэлым у Беларусі ў нядзелю будзе цёпла: днём у Брэсце і Гомелі чакаецца да +13°С, у Віцебску і Мінску - да +10°С, у Гродне і Магілёве - да +11°С. Паўсюдна прагназуюцца кароткачасовыя ападкі.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Вецер і дождж - не перашкода: спаборніцтвы рыбакоў прайшлі ў Мінску - відэа
Беларусь лідзіруе сярод краін СНД па тэмпах пацяплення клімату
Рэдкія арланы-белахвосты патрапілі на відэа ў Белавежскай пушчы