Затрыманую ў Эстоніі Чэрышаву адпусцілі

МІНСК, 8 кра – Sputnik. Грамадзянку Расіі Алену Чэрышаву, затрыманую раней у Эстоніі, адпусцілі, паведамілі Sputnik яе сваякі.

Яна знаходзілася ў Капо (Дэпартамент абароннай паліцыі Эстоніі - Sputnik) 48 гадзін. Іншыя дэталі пакуль не вядомыя.

Расейскія дыпламаты адпраўлялі ноту ў МЗС Эстоніі з просьбай растлумачыць дэталі затрымання расіянкі, а таксама сустрэцца з ёй. Але выразнага адказу на гэтае пытанне супрацоўнікі расійскага дыппрадстаўніцтва ў Таліне так і не атрымалі.

Экс-супрацоўнікі Sputnik Meedia Алена Чэрышава і Маці-Дзмітрый Тэрэстал былі затрыманыя ў Эстоніі 6 красавіка, іх падазраюць у парушэнні міжнародных санкцый.

Эстонскія ўлады прынялі рашэнне закрыць Sputnik Эстонія ў 2019 годзе. З 1 студзеня 2020 года ў сувязі з пагрозамі сайт працаваў у надзвычайным рэжыме, а пазней спыніў працу.

Шэф-рэдактар выдання Алена Чэрышава і іншыя былыя супрацоўнікі Sputnik Эстонія ў лютым 2021 года запусцілі новы незалежны праект - інтэрнэт-партал Sputnik Meedia.

У сакавіку 2022 года партал паведаміў аб спыненні працы з прычыны ціску і абмежаванняў, якія робяцца з боку эстонскіх банкаў і ўладаў, а таксама з-за пагроз у адрас сваіх супрацоўнікаў.

Sputnik Meedia змог стаць папулярным рэсурсам у Эстоніі. Па дадзеных Alexa, ужо праз тры месяцы працы сайт увайшоў у пяцёрку самых чытэльных рускамоўных інтэрнэт-СМІ Эстоніі. Па дадзеных Liveinternet, штомесяц рэсурс Sputnik Meedia наведвалі да 90 тысяч унікальных карыстальнікаў, з якіх 80% складалі жыхары Эстоніі.