МІНСК, 18 кра – Sputnik. У Расіі аднавілася магчымасць пакупкі і продажу ў банках наяўнай валюты грамадзянам, паведаміў у панядзелак Банк РФ.
Банкі атрымалі права прадаваць расіянам наяўныя з 18 красавіка па 9 верасня 2022 года. Праўда, фінустановам дазваляецца рэалізоўваць толькі тую валюту, якая паступіла ў касы абменнікаў пачынаючы з 9 красавіка 2022 года.
Таксама раней у красавіку расійскі банкаўскі рэгулятар вырашыў змякчыць умовы пакупкі долараў, еўра і іншай замежнай валюты ў брокераў. Такім чынам, адменена 12-працэнтная камісія на набыццё валюты.
Нягледзячы на адмену абмежаванняў, жыхары Масквы і Падмаскоўя не праявілі павышанага попыту на куплю ці продаж валюты, паведамляе РІА Навіны. Чэргаў і ажыятажнага попыту не адзначалася таксама ў банках і абменных пунктах Уладзівастока, Хабараўска і іншых далёкаўсходніх рэгіёнаў. Пры гэтым не ўсе банкі з 18 красавіка пачалі прадаваць долары і еўра.
Меры стрымлівання
Цэнтрабанк Расіі з 9 сакавіка ўвёў валютныя абмежаванні на фоне высокай валацільнасць курсу расійскага рубля. Меркавалася, што да 9 верасня расіяне не змогуць купіць у банках долары і еўра, а таксама зняць са сваіх укладаў і рахункаў больш за $10 тысяч - зроблена гэта было для стабілізацыі валютнага рынку.
Магчымасць увядзення такіх абмежаванняў у Беларусі прадказвалі эксперты, аднак гэтага не здарылася.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Эксперты ацанілі шанцы рубля стаць рэзервовай валютай
Беларусам абяцаюць знізіць цэны на газ
Пяскоў - пра санкцыі, аплату за газ і будучыню долара