"Каб муха не праляцела": Пуцін даручыў заблакаваць прамзону "Азоўсталі"

МІНСК, 21 кра - Sputnik. Прэзідэнт Расіі Уладзімір Пуцін правёў у чацвер сустрэчу з міністрам абароны Сяргеем Шайгу, дзе абмеркаваў шэраг пытанняў, якія датычыліся спецаперацыі РФ на Украіне.

Адной з галоўных тэм гутаркі была сітуацыя ў Марыупалі. Шайгу адзначыў, што горад поўнасцю вызвалены, там цяпер наладжваюць мірнае жыццё, украінскія ваенныя на "Азоўсталі" поўнасцю блакіраваны, штурм зойме тры-чатыры дні.

Пуцін сказаў, што лічыць немэтазгодным штурм, бо трэба думаць аб захаванні жыцця і здароўя салдат і афіцэраў.

Паводле яго слоў, да палонных будуць ставіцца дастойна, у адпаведнасці з міжнароднымі прававымі актамі. Параненым дапамогуць медыкі.

Таксама расійскі лідэр заявіў, што ўсе вайскоўцы РФ прыраўноўваюцца да герояў. Ён даручыў прадставіць прапанову па ўзнагароджанні воінаў, якія праславіліся, да дзяржузнагарод.

Расія пачала ваенную аперацыю на Украіне 24 лютага. Па словах прэзідэнта РФ Уладзіміра Пуціна, трагедыя, якая адбывалася ў Данбасе, прымусіла Расію гэта зрабіць. Мэта спецаперацыі - дэмілітарызацыя і дэнацыфікацыя Украіны, паданне суду ўсіх ваенных злачынцаў, адказных за "крывавыя злачынствы супраць мірных жыхароў" Данбаса.

Па дадзеных на сераду, з пачатку аперацыі расійскія ваенныя знішчылі 140 украінскіх самалётаў, 490 беспілотных лятальных апаратаў, 253 зенітных ракетных комплексу, 2388 танкаў і іншых баявых браніраваных машын, 256 установак рэактыўных сістэм залпавага агню, 1029 гармат ваеннай аўтамабільнай тэхнікі.