МІНСК, 25 кра - Sputnik. Прэзідэнт Беларусі Аляксандр Лукашэнка павіншаваў вядомага савецкага хакеіста, дэпутата Дзярждумы Федэральнага сходу Расіі Уладзіслава Траццяка з 70-годдзем, паведамляе прэс-служба кіраўніка дзяржавы.
"У вашай біяграфіі - яркае спартыўнае жыццё, у якім вы са знакамітай зборнай СССР заваявалі ўсе магчымыя ўзнагароды і прызы, якія ёсць у хакеі. Некалькі пакаленняў хлапчукоў, робячы першыя крокі па лёдзе, хацелі гуляць, як Траццяк", - гаворыцца ў віншаванні беларускага лідэра .
Лукашэнка адзначыў, што і сёння гэты легендарны хакеіст працягвае служыць любімай справе, з'яўляючыся дэпутатам Дзярждумы і ўзначальваючы Федэрацыю хакея Расіі.
Кіраўнік дзяржавы таксама падкрэсліў, што беларусы ведаюць і цэняць Траццяка за той уклад, які ён уносіць у развіццё спартыўных сувязей Беларусі і Расіі.
Заслужаны майстар спорту, прэзідэнт Федэрацыі хакея, бацька і дзед
Уладзіслаў Траццяк нарадзіўся 25 красавіка 1952 года ў сяле Арудзева Дзмітраўскага раёна Маскоўскай вобласці.
Адвучыўся ён у Смаленскім дзяржаўным інстытуце фізічнай культуры, а ў 1983 годзе скончыў яшчэ і Ваенна-палітычную акадэмію ім. В.І. Леніна, цяпер гэта Ваенны ўніверсітэт Мінабароны РФ.
Займацца хакеем Траццяк пачаў у 11-гадовым узросце. Пасля перамогі ў складзе маладзёжнай зборнай каманды СССР на чэмпіянаце свету Анатоль Тарасаў запрасіў яго ў мужчынскую каманду ЦСКА, за якую легендарны хакеіст выступаў доўгія гады.
У матчах чэмпіянату СССР ён згуляў амаль 500 матчаў. У складзе каманды стаў 13-разовым чэмпіёнам СССР, двойчы сярэбраным прызёрам чэмпіянатаў Савецкага саюза і ўладальнікам Кубка СССР у 1969 і 1973 гадах.
У зборнай СССР дэбютаваў у 1969 годзе, а з 1972 года пачаў там выступаць ужо як асноўны варатар. На яго рахунку 128 матчаў у чэмпіянатах свету, Еўропы, Алімпійскіх турнірах і турнірах Кубка Канады.
Траццяк з'яўляецца трохразовым алімпійскім чэмпіёнам, сярэбраным прызёрам Алімпійскіх гульняў 1980 года, шматразовым чэмпіёнам свету і гэтак далей. Пяць разоў гэты легендарны спартсмен прызнаваўся лепшым хакеістам Савецкага саюза, тройчы лепшым хакеістам Еўропы і чатыры разы лепшым варатаром сусветных першынстваў.
Гэта адзіны савецкі ігрок, які здолеў паўдзельнічаць у чатырох Алімпіядах.
"Павесіць канькі" Траццяк вырашыў у 1984 годзе, пасля чаго пачалася яго трэнерская кар'ера.
У снежні 2003 года Уладзіслаў Траццяк быў абраны дэпутатам Дзяржаўнай Думы. А з красавіка 2006-га Траццяк узначаліў расійскую Федэрацыю хакея.
Уладзіслаў Траццяк жанаты, у яго ёсць сын і дачка. Дарэчы, яго ўнук Максім Траццяк пайшоў па шляху дзеда, цяпер ён варатар ХК "Сочы", які выступае ў КХЛ.
>>> Яшчэ больш актуальнай інфармацыі - у Telegram-канале Sputnik Беларусь
Таксама на Sputnik:
Беларус Шаранговіч дапамог "Нью-Джэрсі" перамагчы "Манрэаль"
Каляндар спартыўных мерапрыемстваў працягвае развальвацца
КХЛ адмяніла ці перанесла ўжо 15 матчаў рэгулярнага чэмпіянату