МІНСК, 26 кра - Sputnik. Штармавое папярэджанне аб'яўлена ў Беларусі на аўторак 26 красавіка, сведчаць звесткі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Паводле звестак сіноптыкаў, у найбліжэйшыя суткі ў краіне месцамі чакаюцца навальніцы, з-за гэтага ўведзены жоўты ўзровень небяспекі.
У Белгідрамеце праінфармавалі, што 26 красавіка надвор'е ў краіне будуць фарміраваць няўстойлівая паветраная маса і атмасферныя франты.
Месцамі па Беларусі, а па поўдні - у многіх раёнах чакаюцца дажджы, ноччу і раніцай магчымы невялікі туман. Уначы тэмпература паветра складзе ад +3 да +9°С, а днём - ад +10 да +16°С.
У сераду 27 красавіка на надвор'е паўплывае поле паніжанага ціску: невялікія дажджы магчымы месцамі, а ноччу на паўднёвым усходзе рэспублікі - паўсюдна.
Уначы тэмпература паветра апусціцца да 0..+6°С, на паўднёвым усходзе прагназуецца да +8°С, днём на поўначы краіне - +7°С, на поўдні - да +15°С.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Сіноптык расказаў, якім будзе надвор'е ў красавіку
Штыль: астрафізікі далі прагноз на красавік 2022 года па магнітных бурах
Беларусь лідзіруе сярод краін СНД па тэмпах пацяплення клімату