МІНСК, 29 кра - Sputnik. Начальнік галоўнага ўпраўлення плацежнай сістэмы і лічбавых тэхналогій Нацыянальнага банка Таццяна Рускевіч расказала журналістам, як нормы закона "Аб плацежных сістэмах і плацежных паслугах" паўплываюць на работу пляцовак-агрэгатараў.
Гэты дакумент прадугледжвае комплекснае рэгуляванне дзейнасці па прыёме плацяжоў у адрас трэціх асоб.
Паводле слоў Рускевіч, гэта новаўвядзенне дасць магчымасць такім сэрвісам, як Ozon, Wildberries, Yandex, Uber, AliExpress, Booking.com, і іншым пляцоўкам-агрэгатарам прасцей і танней працаваць на беларускім плацежным рынку.
Пры гэтым аналагічныя патрабаванні будуць распаўсюджвацца на такіх жа беларускіх пастаўшчыкоў плацежных паслуг.
"Адпаведна, узнікае і канкурэнцыя на нашым рынку і магчымасць працаваць на роўных умовах", - дадала прадстаўнік Нацбанка.
"Калі мы толькі пачалі пісаць гэты закон, яго патэнцыйныя ўдзельнікі - беларускія і расійскія пляцоўкі-агрэгатары - прынялі ўдзел у яго распрацоўцы. Яны ж і расказвалі, якія бізнес-працэсы неабходна ажыццяўляць. Яны з намі ўжо дыскутавалі і, спадзяюся, будуць прымаць удзел у грамадскім абмеркаванні ўжо падзаконных актаў", - распавяла Рускевіч.
Што датычыцца патрабаванняў, якія для іх будуць устаноўлены, гэта, паводле інфармацыі эксперта, патрабаванні па гарантаваным завяршэнні разлікаў, гарантыйным фондзе або іншыя нормы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Ліміт бяспошлінных пасылак з інтэрнэт-крам вырас у пяць разоў
"ВКонтакте" падтрымлівае малы і сярэдні бізнес у новых умовах