МІНСК, 30 кра – Sputnik. Апазіцыйны Беларускі фонд спартыўнай салідарнасці прызнаны ў рэспубліцы экстрэмісцкім фарміраваннем, гэта інфармацыя з'явілася на сайце Міністэрства ўнутраных спраў Беларусі.
У 2021 годзе, калі ў краіне абнавілі заканадаўства аб супрацьдзеянні экстрэмізму, на інтэрнет-старонцы МУС апублікавалі пералік структур, прызнаных экстрэмісцкімі. Цяпер у яго ўключаны ўжо больш за 50 груп грамадзян.
"Рашэннем КДБ прызнана экстрэмісцкім фарміраваннем "група грамадзян, аб'яднаных з дапамогай Telegram-канала "Фонд спартыўнай салідарнасці/BSSF", а таксама суполкі "Беларускі фонд спартыўнай салідарнасці" ў сацыяльных сетках Facebook (забаронена ў РФ як экстрэмісцкая арганізацыя), Instagram (забаронены ў РФ як экстрэмісцкі), месэнджэры Twitter, відэахостынгу YouTube”, – паведаміла МУС.
На сайце ведамства таксама зазначаецца, што гэта група грамадзян ажыццяўляе экстрэмісцкую дзейнасць, якая ў рэспубліцы забаронена.
Беларускі фонд спартыўнай салідарнасці быў створаны ў жніўні 2020 года. У адносінах да яго заснавальнікаў у Беларусі распачаты крымінальныя справы за заклікі аб прычыненні шкоды нацыянальнай бяспецы краіны з выкарыстаннем СМІ і інтэрнэта. У красавіку 2021 года Следчы камітэт аб'явіў у вышук Аляксандру Герасіменю і Аляксандра Апейкіна, якія стаялі ля вытокаў фарміравання фонду.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Тры ролікі YouTube-канала Юрыя Дудзя прызнаны экстрэмісцкімі ў Беларусі
Суд па справе галоўрэда "Нашай Нівы" Марціновіча пачаўся ў Мінску
Польскі суд адмовіў у выдачы Беларусі Сцяпана Пуцілы