МІНСК, 14 мая – Spurnik. Кандыдат у прэзідэнты Паўднёвай Асеціі Алан Гаглоеў выйграў на прэзідэнцкіх выбарах, набраўшы 56,09% галасоў выбаршчыкаў, такую інфармацыю паведамляе Цэнтральная выбарчая камісія (ЦВК) пасля падліку 100% пратаколаў.
Сапернік Галоева – дзеючы прэзідэнт Анатоль Бібілаў – набраў 40,9% галасоў.
Першы тур выбараў прайшоў 10 красавіка. Паколькі ні адзін кандыдат не набраў больш за 50% галасоў, быў абвешчаны другі тур. Ён прайшоў 8 мая, выбары былі прызнаныя адбыўшыміся.
На вышэйшую дзяржаўную пасаду рэспублікі былі два прэтэндэнты – цяперашні кіраўнік Анатоль Бібілаў і лідар палітычнай партыі "Ныхас" Алан Гаглоеў.
Раней у сакавіку Бібілаў заявіў, што Паўднёвая Асеція зробіць юрыдычныя крокі для ўваходжання ў склад Расійскай Федэрацыі. Указ аб правядзенні ў рэспубліцы рэферэндуму аб уваходжанні ў склад РФ быў падпісаны 13 мая. Прызначана дата 17 ліпеня 2022 года.
Бібілаў адзначыў, што магчымасць ажыццявіць гэтую мэту ў Цхінвала была яшчэ ў 2014 годзе – калі Крым, правёўшы рэферэндум, уз’яднаўся з Расіяй. Аднак гэтая магчымасць не была рэалізавана.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка: апошнія кампаніі - і прэзідэнцкая, і па рэферэндуме - прайшлі прыгожа
Пяскоў расказаў, хто будзе вырашаць лёс Херсонскай вобласці
Пуцін: крымчане хацелі жыць са сваёй гістарычнай радзімай, з Расіяй