Новая Зеландыя ўвяла санкцыі супраць шэрага грамадзян і прадпрыемстваў Беларусі

МІНСК, 17 мая – Sputnik. Урад Новай Зеландыі прыняў рашэнне ўвесці санкцыйныя абмежаванні супраць некаторых беларускіх прадпрыемстваў і грамадзян з-за сітуацыі ва Украіне, пра гэта паведаміла міністр замежных спраў краіны Нанаія Махута.

Пад санкцыі патрапіў і прэзідэнт Беларусі Аляксандр Лукашэнка.

У заяве кіраўніка ведамства, апублікаванай на сайце ўрада, даецца тлумачэнне гэтага рашэння. У Новай Зеландыі лічаць, што вайскоўцы Беларусі дапускаюць "незаконны замах на суверэнітэт Украіны". Таксама ўлады краіны абвінавачваюць Беларусь у тым, што пад кіраўніцтвам беларускага лідара яе тэрыторыя "выкарыстоўвалася для ўчынення нападзення".

Пры гэтым улады Новай Зеландыі заклікаюць Беларусь адмовіцца ад падтрымкі Расіі.

Санкцыі ўводзяцца супраць 23 грамадзян Беларусі. У гэты спісак увайшлі некаторыя ваеначальнікі і супрацоўнікі Мінабароны. Таксама пад абмежаванні трапілі чатыры беларускія арганізацыі – Дзяржаўны ваенна-прамысловы камітэт, расійска-беларуская ІТ-кампанія фонду "Сколково" Synesis, прадпрыемствы НВТАА "ОКБ ТСП" і ТАА "Оборонные инициативы".

Раней Новая Зеландыя ўжо ўводзіла санкцыі супраць Расіі: у спісак увайшлі больш за 650 расійскіх грамадзян, у тым ліку прэзідэнт краіны і дэпутаты Дзярждумы, а таксама найбуйнейшыя расійскія прадпрыемствы і арганізацыі.

Аб пачатку спецаперацыі ў Данбасе заявіў прэзідэнт Расіі Уладзімір Пуцін 24 лютага, праз некалькі дзён пасля прызнання Масквой незалежнасці Данецкай і Луганскай народных рэспублік. Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны.

У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.