МІНСК, 4 чэр – Sputnik. Найсвяцейшы Патрыярх Маскоўскі і ўсяе Русі Кірыл прыбыў з візітам у Беларусь, перадае карэспандэнт Sputnik з Нацыянальнага аэрапорта Мінск.
Свяцейшага Патрыярха Кірыла сустракалі кіраўнік БПЦ мітрапаліт Веніямін, віцэ-прэм’ер урада Беларусі Ігар Петрышэнка, упаўнаважаны па справах рэлігій і нацыянальнасцей Аляксандр Румак, дзяржсакратар Саюзнай дзяржавы Дзмітрый Мезенцаў, Пасол Расіі ў Беларусі Барыс Грызлоў.
Кіраўнік БПЦ мітрапаліт Веніямін, віцэ-прэм’ер урада Беларусі Ігар Петрышэнка, упаўнаважаны па справах рэлігій і нацыянальнасцей Аляксандр Румак, дзяржсакратар Саюзнай дзяржавы Дзмітрый Мезенцаў, Пасол Расіі ў Беларусі Барыс Грызлоў у нацыянальным аэрапорце
© Sputnik / Тамара Беляева
Пасля прылёту ў Мінск Патрыярх паведаміў, што гэта яго першая паездка ў Беларусь з моманту пачатку пандэміі.
Таксама ён сказаў, што падчас візіту сустрэнецца з прэзідэнтам Беларусі Аляксандрам Лукашэнкам, з дзяржсакратаром Саюзнай дзяржавы Дзмітрыем Мезенцавым.
"Важна для мяне тое, што ступіў на вельмі добразычлівую, вельмі адкрытую прыгожую і духоўна моцную зямлю. Таму заклікаю благаслаўленне Божае на беларускі народ, на Беларусь, каб Гасподзь захоўваў вас ад усялякага зла і спаспешыстваваў і духоўнаму, і эканамічнаму развіццю на карысць народа", - сказаў ён.
"Кожны раз я прыязджаю ў Беларусь з вялікім цяплом, і з асаблівым унутраным пачуццём ступаю на беларускую зямлю, таму што нельга не ўспомніць вялікі подзвіг народа на гэтай зямлі, які твар у твар сутыкнуўся са страшнай агрэсіяй", - сказаў Патрыярх Кірыл.
"Таму першае, што я зраблю, будзе ўскладанне вянка ў памяць аб тых ахвярах, да якіх мы з вялікай падзякай ставімся", - расказаў аб планах Яго Святасць.
Пазней Яго Святасць узначаліць вячэрняе богаслужэнне ў Свята-Духавым кафедральным саборы горада Мінска.
"У мяне будзе магчымасць наведаць Свята-Духаў сабор у Мінску, здзейсніць богаслужэнне, асвяціць дамавы храм у прадстаўніцтве патрыярха Маскоўскага і ўсяе Русі ў Мінску, потым наведаць Полацк, там здзейсніць богаслужэнне ў Спаса-Еўфрасіннеўскім манастыры", - сказаў ён.
Візіт Патрыярха Кірыла
Як паведамілі ў БПЦ, візіт Прадстаяцеля РПЦ прымеркаваны да святкавання 1030-годдзя праваслаўя на беларускіх землях і стварэння Полацкай епархіі.
Асноўныя ўрачыстыя мерапрыемствы пройдуць 5 чэрвеня ў горадзе Полацку, дзе адбудзецца Боская літургія ў Крыжа-Узвіжанскім саборы Спаса-Еўфрасіннеўскага манастыра, якую ўзначаліць Патрыярх Маскоўскі і ўсяе Русі. На ўрачыстым богаслужэнні будзе прысутнічаць увесь беларускі епіскапат, а таксама члены Сінода Рускай Праваслаўнай Царквы.
У Беларусі Прадстаяцель РПЦ прабудзе тры дні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка павіншаваў Патрыярха Кірыла з днём тэзаімянінаў
Лукашэнка пагаварыў па тэлефоне з Патрыярхам Кірылам: што абмяркоўвалі?
Патрыярх Кірыл ацаніў уклад мітрапаліта Філарэта ў развіццё БПЦ