МІНСК, 7 чэр – Sputnik. Дзеючыя ў якасці загараджальных атрадаў украінскія нацыяналістычныя фарміраванні ўзарвалі мост праз раку Северскі Данец, каб перашкодзіць УСУ адступіць са Святагорска, паведаміў афіцыйны прадстаўнік Міністэрства абароны Расіі Ігар Канашэнкаў.
"Пад націскам расійскіх падраздзяленняў рэшткі батальёнаў 95-й дэсантна-штурмавой брыгады і 81-й асобнай аэрамабільнай брыгады УСУ кінулі ваенную тэхніку разам са зброяй і рассеяліся ўздоўж узбярэжжа", - расказаў генерал.
Паводле яго слоў, да васьмідзесяці ўкраінскіх вайскоўцаў пераадолелі раку ўплаў, агонь па іх мэтанакіравана не адкрывалі.
"Расцэньваем адмову ўкраінскіх вайскоўцаў абараняць нікому не патрэбны кіеўскі рэжым на чале з нацыяналістамі як адзіна правільны ўчынак, а не баязлівасць", - падкрэсліў Канашэнкаў.
Ён таксама заклікаў усіх ваенных і членаў падраздзяленняў тэраабароны Украіны рушыць услед гэтаму прыкладу і спыніць "бяздумнае супраціўленне, каб захаваць свае жыцці". Узброеныя сілы Расіі, у сваю чаргу, гарантуюць усім, хто добраахвотна склаў зброю, дастойныя адносіны і вяртанне да сямей, дадаў прадстаўнік Мінабароны.
Канашэнкаў заключыў, што расійская армія перайшла да завяршальнага этапа вызвалення Святагорска і навакольнай яго тэрыторыі.
Святагорск (да 2003 года Славянагорск) размешчаны ў паўночнай частцы Данецкай Народнай Рэспублікі, крыху больш чым у сарака кіламетрах на паўднёвы ўсход ад горада Ізюм Харкаўскай вобласці, які знаходзіцца пад кантролем расійскіх ваенных.
Расія з 24 лютага праводзіць ваенную спецаперацыю па дэнацыфікацыі і дэмілітарызацыі Украіны. Уладзімір Пуцін назваў яе мэтай "абарону людзей, якія на працягу васьмі гадоў падвяргаюцца здзекам, генацыду з боку кіеўскага рэжыму". Па заяве Мінабароны, расійская армія ўжо выканала асноўныя задачы першага этапа – істотна знізіла баявы патэнцыял Украіны. Галоўнай мэтай у ведамстве назвалі вызваленне Данбаса.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лаўроў распавёў пра адказ на пастаўкі дальнабойнай зброі ва Украіну
Самалёты РФ знішчылі вучэбны артылерыйскі цэнтр УСУ у Сумскай вобласці
Украінскія марпехі адмовіліся выконваць злачынныя загады
Артылерыя РФ нанесла ўдар па суднабудаўнічым заводзе "Океан" у Мікалаеве
Расія не гоніцца за тэрмінамі спецаперацыі на Украіне