МІНСК, 10 чэр – Sputnik. Паветрана-касмічныя сілы Расіі знішчылі ўкраінскую авіяцыю на аэрадроме Днепр, пра гэта ў пятніцу паведаміў афіцыйны прадстаўнік Мінабароны РФ генерал-лейтэнант Ігар Канашэнкаў.
"На ваенным аэрадроме Днепр знішчана авіяцыйная тэхніка паветраных сіл Украіны. У раёне Харкава знішчаны вытворчыя магутнасці прадпрыемства па аднаўленні ўзбраення і ваеннай тэхнікі УСУ", – распавёў Канашэнкаў.
Як удакладніў генерал-лейтэнант, удары па аэрадроме наносіліся высокадакладнымі ракетамі паветранага базіравання.
Афіцыйны прадстаўнік Мінабароны дадаў, што ракетамі расійскіх ПКС былі знішчаны два пункты кіравання войскамі і 27 раёнаў засяроджвання жывой сілы ўкраінскай арміі, агнявыя пазіцыі артылерыі, у тым ліку дзве батарэі РСЗА. Знішчаны былі пяць складоў узбраення і боепрыпасаў.
Спецаперацыя Расіі
Аб пачатку спецаперацыі ў Данбасе заявіў прэзідэнт Расіі Уладзімір Пуцін 24 лютага – праз некалькі дзён пасля прызнання незалежнасці Данецкай і Луганскай народных рэспублік.
Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны. У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.
Як паведаміў кіраўнік Савета бяспекі РФ Мікалай Патрушаў, Расія не гоніцца за тэрмінамі спецыяльнай ваеннай аперацыі на Украіне, задача – выкараніць нацызм. Ён запэўніў, што ўсе мэты, пастаўленыя прэзідэнтам Расіі, будуць выкананы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
УСУ штодзённа губляюць да сотні забітымі і сотні параненымі – Мінабароны Украіны
Расійскія войскі знішчылі навучальны цэнтр УСУ пад Жытомірам
Расія выкарыстала ва Украіне чатыры Су-57, аб’яднаныя ў сетку
Авіяцыя Расіі ўдарыла ракетамі па бранятанкавым заводзе ў Харкаве
Украінскія вайскоўцы збеглі са Святагорска, кінуўшы тэхніку