МІНСК, 17 чэр - Sputnik. Рэалізацыя 28 саюзных праграм Беларусі і Расіі дасць магчымасць краінам захаваць сваю харчовую бяспеку, заявіў Sputnik дзяржсакратар Саюзнай дзяржавы Дзмітрый Мезенцаў.
Ён адзначыў, што іх рэалізацыя дасць магчымасць напоўніць нацыянальныя рынкі харчовымі таварамі. Таксама, паводле яго слоў, размова ідзе аб загрузцы прамысловых прадпрыемстваў, а значыць аб стабільнай сітуацыі на рынку працы і заробку расійскіх і беларускіх сем'яў.
"Яшчэ адзін момант - запатрабаванасць навукова-тэхналагічных распрацовак і вынікаў работы навукова-даследчых калектываў - тых, якія дасягаюць поспехаў у правядзенні навуковых і канструктарскіх работ", - дадаў ён.
Больш за тое, гэтыя праграмы дадуць магчымасць сфарміраваць новы турыстычны патэнцыял Саюзнай дзяржавы. "Гэта як прапанова мільёнам беларусаў спасцігаць адзіную Айчыну, пабываўшы ў многіх кропках Расіі, так і магчымасць яшчэ больш адкрыць Беларусь для турыстаў з Расіі", - лічыць дзяржсакратар.
Ён таксама адзначыў, што сёння Беларусі і Расіі трэба адказаць на беспрэцэдэнтны націск з боку захаду, а рэалізацыя праграм - гэта "яшчэ і магчымасць сфарміраваць зусім новую інтэграцыйную схему ўзаемадзеяння". Гэтая схема, паводле слоў Мезенцава, зробіць нашы краіны больш устойлівымі і канкурэнтназдольнымі, у тым ліку на новых рынках.
"Размова ідзе аб умацаванні тых пазіцый у полі дружалюбных краін, дзе мы ўжо прадстаўлены. І, вядома, мы абсалютна не гатовы адрынуць тую практыку ўзаемадзеяння з замежным, у тым ліку і з еўрапейскім бізнесам, які, не пабаяўшыся вокрыкаў з Бруселя і Вашынгтона, не сышоў з нашага рынку", - дадаў ён.
Гаворачы аб выніках, Мезенцаў звярнуў увагу, што многія сёння не заўважаюць дасягнутага і ўспрымаюць гэта як нешта відавочнае. А гэтая інтэграцыйная работа паспяхова і паслядоўна выводзіць Беларусь і Расію на прынцыпова іншы ўзровень.
Што будзе пасля?
Як адзначыў дзяржсакратар Саюзнай дзяржавы, пасля завяршэння рэалізацыі 28 саюзных праграм будзе праведзены аналіз таго, што зроблена ўжо і якія перспектывы ўзаемадзеяння сёння з'яўляюцца самымі актуальнымі. І зроблена гэта будзе ў тым ліку з улікам выклікаў і пагроз, дадаў ён.
Пры гэтым ён асабліва падкрэсліў, што знешні ціск не стаў стымулам для паглыблення гэтай інтэграцыі.
"Адпаведныя рашэнні прымаліся, пачынаючы з канца мінулага стагоддзя. Гэта быў стратэгічны выбар і глыбокае разуменне таго, наколькі мы адзін аднаму патрэбны і наколькі ўзаемна запатрабаваны наш агульны патэнцыял", - заявіў Мезенцаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мезенцаў: патэнцыял Саюзнай дзяржавы яшчэ не вычарпаны
Фінішная прамая: Мезенцаў аб рэалізацыі саюзных праграм Беларусі і Расіі
Пуцін і Лукашэнка, магчыма, сустрэнуцца ў рамках Форума рэгіёнаў у Гродне