МІНСК, 29 чэр - Sputnik. Тавараабарот паміж Беларуссю і Расіяй павялічыўся па выніках мінулага года больш як на трэць, у першым квартале 2022 года паказчыкі гандлю паміж краінамі таксама растуць, гаворыцца ў паведамленні расійскага МЗС.
"Тавараабарот паміж нашымі краінамі па выніках 2021 года, нягледзячы на неспрыяльныя знешнія ўмовы і складаную эпідэміялагічную сітуацыю, вырас больш чым на трэць і склаў каля 40 мільярдаў долараў ЗША. За першы квартал бягучага года ўзаемны гандаль вырас на 14% - да 9,4 мільярда долараў ЗША, з якіх расійскі экспарт - 5,5 мільярда долараў ЗША (рост на 14,6%), імпарт - 3,9 мільярда долараў ЗША (рост на 13,1%)", - падвялі вынікі ў знешнепалітычным ведамстве.
У Міністэрстве замежных спраў РФ заўважылі, што доля Расіі ў беларускім тавараабароце стабільна блізкая да 50 працэнтаў, а Беларусь - адзін з самых значных партнёраў Расіі па гандлю ў свеце, а сярод краін СНД і зусім на першым месцы.
Паводле інфармацыі Белстата, летась 42,6% інвестыцый у рэальны сектар беларускай эканомікі былі расійскімі, агульная сума інвестыцый - 8,7 мільярда долараў, адзначылі ў расійскім ведамстве.
Цяпер кіраўнік расійскага МЗС знаходзіцца ў Беларусі з афіцыйным візітам, які працягнецца да 1 ліпеня. Заўтра Сяргей Лаўроў правядзе сустрэчы з прэзідэнтам Беларусі Аляксандрам Лукашэнкам і міністрам замежных спраў Беларусі Уладзімірам Макеем.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Макей аб адносінах з Расіяй: ніхто з нас не здрадзіў адзін аднаму
Лукашэнка распавёў, пра што ён дамовіўся з Пуціным
Беларусь і Расія плануюць падпісаць кантракты на $1 млрд на Форуме рэгіёнаў
Генеральнае консульства Расіі адкрыюць у Гродне