МІНСК, 27 ліп – Sputnik. Прэс-сакратар расійскага прэзідэнта Дзмітрый Пяскоў пракаменціраваў прынятае ў сераду рашэнне суда Еўрапейскага саюза, які пакінуў у сіле забарону на вяшчанне канала RT France.
Нагадаем, 2 сакавіка стала вядома, што Еўрасаюз забараніў трансляцыю і распаўсюджванне кантэнту RT на тэрыторыі Еўропы. Пад забарону патрапілі RT France, RT English, RT UK, RT Germany і RT Spanish. Аналагічныя санкцыі былі ўжыты і да радыёстанцыі Sputnik. Рэстрыкцыі былі ўведзены ў сувязі з падзеямі ва Украіне.
У сераду, 27 ліпеня, суд ЕС агульнай юрысдыкцыі адхіліў іск RT France да Савета аб адмене забароны на трансляцыю кантэнту.
"Рэакцыя вельмі негатыўная. Наступленне на свабоду слова і СМІ ў еўрапейскіх дзяржавах, у тым ліку ў Францыі, гэта той працэс, які выклікае нашу занепакоенасць і шкадаванне", - пракаменціраваў Дзмітрый Пяскоў.
Афіцыйны прадстаўнік Крамля запэўніў, што ў Расіі будуць прыняты аналагічныя меры ціску на заходнія СМІ, якія працуюць у краіне, - мяккай пазіцыі ў гэтым пытанні чакаць не трэба, дадаў Дзмітрый Пяскоў.
"Еўрапейцы самі топчуць тыя ідэалы, якія яны насаджаюць па ўсім свеце. RT зараз фактычна заблакіраваны і не можа працаваць у Еўропе. Гэта дрэнна", - сказаў прэс-сакратар расійскага лідара.
Ён таксама выказаў надзею, што кампанія працягне сваю дзейнасць, пры гэтым дадаў, што, паколькі ў кампаніі "працуюць вельмі энергічныя людзі", будуць знойдзены варыянты, як аднавіць "сваё такое запатрабаванае вяшчанне па розных каналах дастаўкі сваёй інфармацыі".
У сваю чаргу тэлеканал RT France у сераду выпусціў афіцыйную заяву, у якой паведамляецца аб намеры абскардзіць рашэнне суда ЕС.
"Тэлеканал аспрэчвае гэтае рашэнне суда, якое супярэчыць свабодзе выказвання меркаванняў", – указаў адвакат RT France Эманюэль Піўніка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Намеснік старшыні ЕК назвала часовымі санкцыі супраць RT і Sputnik
Пазаштатны аўтар агенцтва Sputnik Ліндэрман узяты ў Латвіі пад варту
Сацсетка TikTok без тлумачэння прычын выдаліла акаўнт "Sputnik Беларусь"
У Еўрапарламенце ўзнялі пытанне аб правамернасці блакіроўкі RT і Sputnik у ЕС
Сайты Sputnik па ўсім свеце падвяргаюцца DDoS-нападу