Хуткія, дакладныя і непаражальныя: як працуюць "Искандеры"

Аператыўна-тактычны комплекс быў прыняты на ўзбраенне арміі Расіі ў 2006 годзе, а ўжо ў 2011-м у войскі сталі паступаць глыбока мадэрнізаваныя комплексы "Искандер-М".

Комплекс мае дасканалую сістэму кіравання, нябачныя для радараў саперніка высокадакладныя аэрабалістычныя і крылатыя ракеты розных мадыфікацый.

Далёкасць палёту ракеты складае да 500 кіламетраў, а крэйсерская хуткасць – звыш 2,1 тысячы м/с.

Такім чынам, пры палёце на максімальную далёкасць ракеце спатрэбіцца ўсяго каля чатырох хвілін.

Варыянтаў аснашчэння баявой часткі ў "Искандера" хапае, ёсць з чаго выбраць у залежнасці ад задачы: аскепкава-фугасная, касетная і спецыяльная (ядзерная - Sputnik).

Асноўнае прызначэнне ракетных комплексаў "Искандер" - знішчэнне сістэм СПА і СРА саперніка, а таксама найважнейшых аб’ектаў на адлегласці да 500 кіламетраў. Галоўным чынам, удары такімі комплексамі наносяцца па найважнейшых цэлях у тыле саперніка. Расія актыўна выкарыстоўвае "Искандеры" падчас спецаперацыі на Украіне, знішчаючы жывую сілу, тэхніку, склады з боепрыпасамі і зброяй, ваенную інфраструктуру УСУ.

Перавагамі комплексаў "Искандер-М" ваенныя лічаць высокую дакладнасць стральбы на значнай адлегласці, малы час гатоўнасці да пуску, высокую эфектыўнасць пераадолення СРА, што дае магчымасць комплексу аператыўна забяспечваць паражэнне цэлі адзіночным пускам або залпам дзвюх ракет.

Некаторыя замежныя эксперты лічаць, што наземныя войскі НАТА не могуць эфектыўна змагацца з "Искандерами" – ракеты можна паспрабаваць збіць толькі з паветра.

Прэзідэнт Расіі Уладзімір Пуцін у ходзе нядаўняй сустрэчы з беларускім калегам Аляксандрам Лукашэнкам паведаміў аб тым, што Беларусі будуць перададзены комплексы "Искандер-М".

Ракеты, якімі камплектуецца "Искандер-М", а менавіта такія комплексы РФ перадасць Беларусі, здольны паражаць цэлі на адлегласці да 500 кіламетраў. Боепрыпасы здольны абыходзіць сістэмы СРА саперніка ў тым ліку за кошт несапраўдных мішэней.

Комплексы могуць быць пераўзброены на тактычныя ядзерныя зарады, што выклікала занепакоенасць у краін Захаду, аднак прэс-сакратар прэзідэнта Расіі Дзмітрый Пяскоў заявіў, што Уладзімір Пуцін, гаворачы аб перадачы "Искандеров" Беларусі, не меў на ўвазе, што рэспубліцы будзе перададзена ядзерная зброя.