МІНСК, 29 жні – Sputnik. Беларуская тэнісістка Аляксандра Сасновіч узнялася ў сусветным рэйтынгу, Ілья Івашка страціў пазіцыі, паведамляе Sputnik.
Беларуска Арына Сабаленка не змянілася ў рэйтынгу і па-ранейшаму займае шостую пазіцыю з 3470 пунктамі.
Вікторыя Азаранка таксама не змагла палепшыць пазіцыі – 26-е месца (1841).
Аляксандра Сасновіч паднялася на чатыры радкі – 32-я (1461).
Беларускі ўступяць у спаборніцкую гонку US Open у сераду. Сасновіч згуляе супраць італьянкі Элізабэты Качарэта. Азаранка паспрабуе адолець спартсменку з ЗША Эшлін Кругер, а Сабаленка згуляе на старце турніру з амерыканкай Кэтрын Харысан.
Што да беларускіх мужчын у рэйтынгу АТР, то лепшы вынік застаецца за Ільёй Івашкам.
Праўда, на гэтым тыдні ён страціў адразу 22 пазіцыі і размяшчаецца на 73 месцы. Паправіць становішча беларус зможа ў аўторак на US Open, дзе яго чакае першая гульня. Супрацьстаяць Івашку будзе амерыканец Сэм Куэры.
Яшчэ адзін беларус – Ягор Герасімаў знаходзіцца на 170 пазіцыі, за мінулы тыдзень ён страціў два радкі рэйтынгу.
US Open
Апошні ў сезоне з чатырох турніраў Вялікага шлема пройдзе з 29 жніўня па 11 верасня. Прызавы фонд жаночых спаборніцтваў складзе больш за 60 мільёнаў долараў ЗША, мужчынскіх – таксама больш за 60 мільёнаў.
У мінулым годзе Сабаленка прабілася ў 1/2 фіналу Адкрытага чэмпіянату ЗША, дзе ўступіла прадстаўніцы Канады Лейле Фернандэс з лікам 6:7 (3:7), 6:4, 4:6.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Сабаленка вярнулася ў топ-пяць рэйтынгу WTA
Беларуская тэнісная федэрацыя падала апеляцыю ў Спартыўны суд
Беларускіх тэнісістаў адхілілі ад удзелу ва Уімблдоне