Смерць Дар’і Дугінай: што вядома аб меркаваным саўдзельніку забойцы

МІНСК, 29 жні – Sputnik. Меркаваны саўдзельнік забойцы журналіста і палітолага Дар’і Дугінай Багдан Цыганенка ў юнацтве скончыў ваенны ліцэй у Данецку, расійскія спецслужбы будуць аб’яўляць яго ў вышук, паведамляе агенцтва РІА Навіны.

Сёння ФСБ Расіі заявіла, што па справе аб забойстве Дугінай з’явіўся новы фігурант – грамадзянін Украіны Багдан Цыганенка 1978 года нараджэння.

Па даных прэс-службы ведамства, ёсць падставы сцвярджаць, што ён разам з яшчэ адной удзельніцай дыверсійна-тэрарыстычнай групы Наталляй Воўк рыхтаваў злачынства.

Яна таксама паведаміла, што падазроны займаўся дробным бізнесам, але апошнім часам нідзе не працаваў, а жыў за кошт маці.

У праваахоўных органах Расіі ўжо заявілі, што Цыганенка будзе аб’яўлены ў вышук.

У панядзелак ФСБ Расіі апублікавала відэа, дзе бачна, як саўдзельнік забойства Дар’і Дугінай заязджае ў Расію, перасоўваецца на аўтамабілі разам з Наталляй Воўк. Акрамя гэтага, ёсць відэазапіс, як ён атрымлівае падробленыя нумары і ад’язджае.

Ужо ўстаноўлена, што ён уехаў у РФ 30 ліпеня праз Эстонію па ўкраінскім пашпарце.

Меркаваны саўдзельнік забойцы Дугінай у профілі сацсеткі "ВКонтакте" выкарыстаў псеўданім – прозвішча Касьянаў, хоць у сацыяльнай сетцы "Мой мир" указана яго сапраўднае прозвішча.

Журналіст і палітолаг Дар’я Дугіна загінула ўвечары 20 жніўня пры выбуху аўтамабіля на Мажайскай шашы ў Адзінцоўскім раёне Падмаскоўя.

Неўзабаве ў ФСБ Расіі заявілі, што за яе забойствам стаяць украінскія спецслужбы, а выканаўцам з’яўляецца грамадзянка Украіны Наталля Воўк, якая прыехала ў Расію разам з дачкой 23 ліпеня. Пасля падрыву машыны выканаўца забойства з’ехала ў Эстонію праз Пскоўскую вобласць.