МІНСК, 29 жні – Sputnik. Колькасць пацярпелых пры ўкраінскім абстрэле Энергадара склала не менш за дзевяць чалавек, за жыццё двух з іх змагаюцца медыкі, пра гэта паведаміў кіраўнік адміністрацыі Запарожскай вобласці Яўген Баліцкі.
Паводле яго слоў, артылерыйскія ўдары па жылым масіве Энергадара УСУ нанеслі каля 22:00 у нядзелю. Пацярпелі тры жылыя дамы, у адным з двароў якіх знаходзіцца дзіцячы садок. Таксама закранута цеплацэнтраль. Пашкоджана некалькі дзесяткаў аўтамабіляў, каля 25 згарэлі, выбіты аконныя рамы і шкло ў многіх кватэрах.
На гэты час выяўлена дзевяць пацярпелых, двое з якіх у цяжкім стане. Яны знаходзяцца ў рэанімацыі.
Напярэдадні прадстаўнік адміністрацыі вобласці Уладзімір Рогаў паведамляў што расійскія вайскоўцы збілі баявы дрон УСУ над тэрыторыяй Запарожскай АЭС, якім украінскія вайскоўцы спрабавалі нанесці ўдар па сховішчы ядзернага паліва.
Акрамя таго, УСУ прымянілі пяць асвятляльных мін, каб стварыць пажар каля ЗАЭС. Большая частка з іх патанула ў вадзе.
Прыезд МАГАТЭ
Як заявілі ў прэс-службе адміністрацыі горада, удары Кіева па Энергадару накіраваны на зрыў візіту місіі МАГАТЭ на Запарожскую АЭС.
Раней кіраўнік МАГАТЭ Рафаэль Грасі заявіў, што больш губляць час нельга – эксперты агенцтва прыбудуць на АЭС і ён асабіста ўзначаліць місію.
Паводле яго слоў, трэба будзе вызначыць параметры місіі агенцтва на ЗАЭС і, магчыма, устанавіць яго пастаянную прысутнасць на месцы.
Як заявілі ў МАГАТЭ, з-за існуючай сітуацыі ёсць рызыкі ўзнікнення найбуйнейшай тэхнагеннай аварыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
МАГАТЭ заявіла аб магчымасці пастаяннай прысутнасці місіі на ЗАЭС
Шайгу растлумачыў, чаму замарудзіліся тэмпы спецаперацыі Расіі
Кіеў рыхтуе рэзанансную правакацыю на Запарожскай АЭС – Мінабароны РФ