МІНСК, 30 жні – Sputnik. Прэзідэнты Беларусі і Расіі Аляксандр Лукашэнка і Уладзімір Пуцін абмеркавалі па тэлефоне сітуацыю ва Украіне, паведаміла ў аўторак прэс-служба Крамля.
"Абмеркаваны некаторыя актуальныя тэмы двухбаковага парадку дня, а таксама сітуацыя ва Украіне", - гаворыцца ў паведамленні.
У прэс-службе ўдакладнілі, што Пуцін падчас тэлефоннай размовы павіншаваў свайго беларускага калегу з днём нараджэння. Раней расійскі лідар накіраваў Лукашэнку віншавальную тэлеграму.
"Падчас тэлефоннай размовы прэзідэнт РФ Уладзімір Пуцін цёпла павіншаваў прэзідэнта Рэспублікі Беларусь Аляксандра Лукашэнку з днём нараджэння", - гаворыцца ў паведамленні.
У віншавальнай тэлеграме Пуціна ў адрас Лукашэнкі гаворыцца аб тым, які ўклад унёс беларускі лідар у развіццё сяброўскіх сувязей дзвюх краін і ўзаемадзеянне ў супрацьстаянні знешнім пагрозам і выклікам агульнай бяспекі.
"Высока цаню нашы добрыя, таварыскія адносіны, якія даюць магчымасць адкрыта і грунтоўна абмяркоўваць самыя складаныя пытанні. Разлічваю на прадаўжэнне канструктыўнага дыялогу і цеснай сумеснай работы з Вамі па нарошчванні двухбаковага супрацоўніцтва ва ўсіх сферах, далейшым развіцці інтэграцыі ў рамках Саюзнай дзяржавы", - гаворыцца ў віншавальнай тэлеграме.
Аляксандр Лукашэнка нарадзіўся 30 жніўня 1954 года і ў гэтым годзе адзначае 68-годдзе. Прадстаўнікі прэс-службы кіраўніка дзяржавы час ад часу падкрэсліваюць, што гэты дзень прэзідэнт, як правіла, праводзіць у працоўным рэжыме.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка: ужо ўсе зразумелі, што такое Беларусь для Расіі і РФ для Беларусі
Лукашэнка параіў Еўрасаюзу "распранацца і працаваць"
Лукашэнка назваў пасольства Беларусі ў Расіі другім урадам