МІНСК, 9 вер – Sputnik. Намеснік прэм’ер-міністра Пётр Пархомчык у час сустрэчы з віцэ-губернатарам Санкт-Пецярбурга Валерыем Маскаленка заявіў, што Беларусь чакае сур’ёзнае павелічэнне тавараабароту з Санкт-Пецярбургам у бягучым годзе.
Ён адзначыў, што сустрэчы з расійскімі калегамі маюць сістэмны характар, у мінулым годзе была праведзена добрая работа, якая вылілася ў павелічэнне тавараабароту.
"І гэтая дынаміка працягвае захоўвацца і сёлета. Мы лічым, што ёсць усе перадумовы выхаду па выніках года на аб’ём тавараабароту ў два мільярды долараў", – цытуе Пархомчыка БелТА.
У прыватнасці, ён удакладніў, што актыўна развіваецца ўзаемадзеянне рэспублікі з Санкт-Пецярбургам у частцы паставак пасажырскай і камунальнай тэхнікі.
"Нядаўна мы атрымалі добры заказ на пастаўку камунальнай тэхнікі ў аб’ёме каля адной тысячы адзінак. У асноўным гэта трактары і пагрузчыкі. Мы маем намер паставіць усю гэту тэхніку да 1 снежня", - дадаў намеснік прэм’ера рэспублікі.
Акрамя таго, сярод перспектыўных напрамкаў ён назваў вытворчасць ліфтаў. "Эканоміка Беларусі, нягледзячы на ўсе цяжкасці на гэты момант, сістэмна працуе, ніводнае з прадпрыемстваў не спыняецца", - звярнуў увагу Пархомчык.
Маскаленка падкрэсліў, што Санкт-Пецярбург зацікаўлены ў тым, каб нарошчваць пастаўкі пасажырскай і камунальнай тэхнікі з рэспублікі. Таксама ён нагадаў аб развіцці праектаў у частцы імпартазамяшчэння.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка хоча перанакіраваць частку калію на порт у Мурманску
Тавараабарот Беларусі і Расіі ў першым паўгоддзі дасягнуў $20 млрд
Макей і Грызлоў абмеркавалі пытанні беларуска-расійскага супрацоўніцтва