У Данбасе сёння развітваюцца з журналістам, аналітыкам, аглядальнікам партала RuBaltic.ru Аляксеем Ільяшэвічам. 25-гадовы журналіст загінуў у баях пад Аўдзееўкай, пра гэта стала вядома ў мінулую суботу 1 кастрычніка.
“Аляксей Ільяшэвіч для мяне – сімвал Данбаса, гэта чалавек, які двойчы выбіраў Данбас, маючы магчымасць з’ехаць адтуль і выбраць мірнае жыццё. У першы раз ён з’ехаў у 2014 годзе, калі пачаліся абстрэлы Данецка. Якраз тады Лёша скончыў школу і паступіў у Харкаўскі нацыянальны ўніверсітэт, праз год пасля паступлення ён вярнуўся ў Данецк і сказаў, што выбірае Расію і ДНР, сказаў, што не можа жыць і вучыцца ў горадзе, у якім здаюць грошы на АТА, скідваюцца на зброю, з якой потым страляюць па яго сям’і – яго маці, бацьку і старэйшаму брату", - распавёў галоўны рэдактар партала RuBaltic.ru Аляксандр Насовіч.
Другая магчымасць з’ехаць з Данбаса ў Аляксея Ільяшэвіча з’вілася зусім нядаўна – партал rubaltic.ru прапанаваў яму аплачваць здымную кватэру ў Маскве і рабіць журналісцкую кар’еру ў расійскай сталіцы. "Ён і ад гэтага адмовіўся, калі пачалася спецыяльная ваенная аперацыя, пайшоў добраахвотнікам на фронт, уступіў у рады Народнай міліцыі ДНР", сказаў суразмоўца радыё Sputnik.
"Лёша – гэта герой безумоўна і адназначна, чалавек, які ахвяраваў сябе дзеля сваёй радзімы, дзеля сваіх блізкіх. Наша рэдакцыя ўдзячна ўсім, хто выказаў нам яго сябрам, яго родным спачуванні, мы ніколі не забудзем Лёшу Ільяшэвіча і ў будучыні будзем пастаянна нагадваць усім пра тое, што быў такі цудоўны хлопец", - адзначыў Насовіч.
Рэдакцыя Sputnik Беларусь выказвае шчырыя спачуванні родным і блізкім Аляксея Ільяшэвіча.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь