МІНСК, 5 кас – Sputnik. Прэзідэнт РФ Уладзімір Пуцін падпісаў федэральныя канстытуцыйныя законы аб прыняцці новых тэрыторый у склад Расіі і ўтварэнні новых суб’ектаў федэрацыі. Дакументы апублікаваны на інтэрнет-партале прававой інфармацыі.
Такім чынам, працэс прыняцця новых тэрыторый юрыдычна завершаны. Луганская і Данецкая народныя рэспублікі, а таксама Запарожская і Херсонская вобласці ўвайшлі ў склад Расійскай Федэрацыі.
Таксама прэзідэнт РФ прызначыў часова выконваючых кіраўнікоў гэтых рэгіёнаў:
Дзяніс Пушылін стаў часова выконваючым абавязкі кіраўніка ДНР,
Леанід Пасечнік – кіраўніка ЛНР,
Яўген Баліцкі – губернатара Запарожскай вобласці,
Уладзімір Сальда - губернатара Херсонскай вобласці.
Нагадаем, у пятніцу ў Крамлі адбылася цырымонія падпісання дагавораў аб прыняцці ДНР, ЛНР, Запарожскай і Херсонскай абласцей у склад РФ. У нядзелю Канстытуцыйны суд Расіі прызнаў гэтыя дагаворы адпаведнымі Канстытуцыі краіны.
Затым дакументы атрымалі адабрэнне Дзяржаўнай Думы і Савета Федэрацыі РФ.
Як раней расказаў кіраўнік камітэта Саўфеда па канстытуцыйным заканадаўстве і дзяржбудаўніцтве Андрэй Клішас, на падставе ўказаў Пуціна будуць унесены адпаведныя папраўкі ў Канстытуцыю Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Савет Федэрацыі ратыфікаваў дагаворы аб уваходжанні новых суб’ектаў у склад РФ
Пуцін прапанаваў Кіеву неадкладна спыніць агонь і пачаць перагаворы
Міхееў: ёсць тры варыянты развіцця падзей пасля ўключэння новых рэгіёнаў у склад РФ
Рэферэндум адбыўся: вызваленыя тэрыторыі вырашылі свой лёс