УС РФ адкінулі УСУ на зыходныя пазіцыі на чырвоналіманскім напрамку

МІНСК, 24 кас – Sputnik. Расійскія войскі адкінулі на зыходныя пазіцыі ўкраінскіх дыверсантаў, якія спрабавалі атакаваць пазіцыі УС РФ на чырвоналіманскім напрамку, паведамілі ў панядзелак у Мінабароны Расіі.

Падраздзяленні УСУ сіламі да двух механізаваных рот спрабавалі ўуклініцца ў абарону расійскіх войск у напрамку населенага пункта Чарнопаўка ЛНР. Авіяцыя і артылерыя знішчыла 20 украінскіх вайскоўцаў і 2 БМП, астатнія сілы былі адкінуты на зыходныя пазіцыі.

На купянскім напрамку тры мотапяхотныя ўкраінскія роты распачалі спробу атакаваць пазіцыі расійскіх войск у Харкаўскай вобласці. Усе атакі таксама былі адбіты.

Паўднёваданецкі напрамак, дзе таксама знаходзяцца пазіцыі расійскіх ваенных, падвергся нападзенню. Дзве тактычныя групы УСУ атакавалі населеныя пункты Салодкае і Уладзіміраўка ў ДНР. Агнём артылерыі ў адказ атака была спынена.

На мікалаева-крыварожскім напрамку УСУ беспаспяхова атакавалі сіламі батальённай тактычнай групы пазіцыі расійскіх войск у Херсонскай вобласці. Украінскія вайскоўцы панеслі значныя страты.

За мінулыя суткі ўдарамі аператыўна-тактычнай армейскай авіяцыі пашкоджаны чатыры пункты кіравання УСУ ў Харкаўскай, Херсонскай і Мікалаеўскай абласцях. А таксама 72 артылерыйскія падраздзяленні на агнявых пазіцыях, жывая сіла і тэхніка ў 174 раёнах.

Сродкамі СПА за суткі збіты 3 беспілотнікі. Акрамя таго, знішчаны ў паветры 21 снарад РСЗА HIMARS і "Вольха".

Усяго з пачатку правядзення расійскай спецаперацыі ўкраінскія ўзброеныя сілы страцілі 325 самалётаў, 162 верталёты, 2 326 беспілотнікаў, 383 зенітныя ракетныя комплексы, 6 020 танкаў і бронемашын, 874 РСЗА, 3 521 гармату палявой артылерыі і мінамёт, 6 741 адзінку спецыяльнай ваеннай аўтатэхнікі.