МІНСК, 25 кас – Sputnik. Кіраўнік беларускай дзяржавы Аляксандр Лукашэнка ад імя беларускага народа і сябе асабіста павіншаваў прэзідэнта Казахстана Касым-Жамарта Такаева з нацыянальным святам – Днём Рэспублікі, паведамляе прэс-служба беларускага лідара.
Лукашэнка лічыць, што прыняцце Казахстанам Дэкларацыі аб суверэнітэце стала знакавай падзеяй для гэтай краіны і "першым крокам на шляху да здабыцця незалежнасці".
"Нягледзячы на няпростую гісторыю станаўлення дзяржаўнасці, яе асновы, закладзеныя больш як тры дзесяцігоддзі таму, застаюцца непарушныя", - адзначыў прэзідэнт у сваім віншаванні.
На думку беларускага лідара, зараз Казахстан прытрымліваецца прынцыпаў міралюбівай знешняй палітыкі, садзейнічае ўмацаванню ўзаемаразумення і добрасуседства.
Ініцыятывы Астаны ў сваю чаргу адыгрываюць значную ролю ў забеспячэнні міжнароднай бяспекі, дадаў ён.
Лукашэнка перакананы, што адносіны паміж Беларуссю і Казахстанам, якія "пабудаваны на сяброўстве і даверы і правераны часам", прадоўжаць развівацца.
Нагадаем, што ў Казахстане неўзабаве пройдуць пазачарговыя прэзідэнцкія выбары – яны запланаваны на 20 лістапада. На пасаду кіраўніка дзяржавы прэтэндуюць шэсць чалавек, у тым ліку дзеючы лідар краіны Касым-Жамарт Такаеў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Такаеў прапанаваў правесці ў Казахстане пазачарговыя выбары прэзідэнта
Казахстан зняў забарону на перачэпку для фур з Беларусі і Расіі
Рэферэндум па змене Канстытуцыі прайшоў у Казахстане