МІНСК, 3 ліс – Sputnik. Падчас спецаперацыі ў Растоўскую вобласць прыбылі чатыры мільёны ўкраінскіх бежанцаў, паведаміў губернатар расійскай вобласці Васіль Голубеў у эфіры радыё Sputnik Беларусь.
"У цэлым на тэрыторыю Растоўскай вобласці перасялілася больш за 4 млн чалавек – гэта я кажу ў адзін бок", – растлумачыў Голубеў.
Сітуацыя з бежанцамі, паводле яго слоў, зараз вельмі стабільная, хаця ў лютым была даволі напружаная. З Растоўскай вобласці частку вымушаных мігрантаў адправілі далей у больш як 33 рэгіёны Расіі. Некаторыя засталіся ў Растоўскай вобласці і працаўладкаваліся.
Па даных Міжведамаснага каардынацыйнага штаба РФ па гуманітарным рэагаванні, на канец жніўня і з пачатку спецаперацыі з рэспублік Данбаса і небяспечных раёнаў Украіны эвакуіраваны амаль 3,7 млн чалавек, з якіх каля 587 тыс – дзеці.
Беларусь таксама прыняла нямала бежанцаў з Украіны. Больш за ўсё іх у Гомельскай вобласці (5 131 чалавек). На другім месцы Брэсцкая вобласць – 957 чалавек. У Віцебскай і Мінскай абласцях 364 і 261 адпаведна.
Большая частка бежанцаў прыехала з Данецкай, Луганскай, Харкаўскай, Кіеўскай і Чарнігаўскай абласцей.
Дэлегацыя паўднёвага рэгіёна Расіі наведвае Беларусь з 1 па 3 лістапада.
Акрамя сустрэчы з суайчыннікамі праграмай прадугледжаны наведванні прадпрыемстваў, пасяджэнне двухбаковай рабочай групы на ўзроўні ўрада, а таксама падпісанне пагаднення па гандлёва-эканамічным, навукова-тэхнічным і сацыяльна-культурным супрацоўніцтве Растоўскай вобласці і Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Без затрымак: Беларусь і ААН абмеркавалі тэму бежанцаў з Украіны
Украінцы, якія прыбылі ў Беларусь, змогуць атрымліваць пенсіі і дапамогу