МІНСК, 4 ліс – Sputnik. Вядомы расійскі артыст балета Мікалай Цыскарыдзэ лічыць, што час такіх тытанаў у мастацтве як Валянцін Елізар’еў, на жаль, заканчваецца.
"Раней не давалі проста так узнагароды. На жаль, час тытанаў заканчваецца. (...) Я як артыст жыў дастаткова вялікую колькасць часу сярод мурашак і папугаяў", - заявіў Мікалай Цыскарыдзэ журналістам у Мінску.
Народны артыст Расіі, лаўрэат Дзяржаўных прэмій РФ, рэктар Акадэміі рускага балета Мікалай Цыскарыдзэ прыехаў у Мінск на юбілейны вечар народнага артыста СССР і народнага артыста Беларусі Валянціна Елізар’ева.
Цыскарыдзэ сёння станцуе на сцэне Вялікага тэатра Беларусі.
Гаворачы аб урачыстасцях з нагоды юбілею Елізар’ева, Цыскарыдзэ адзначыў: "Прыемна, што ёсць дастаткова вялікая колькасць людзей, якіх да гэтага часу ўшаноўваюць і любяць".
Цыскарыдзэ адзначыў, што прыехаў на юбілей Елізар’ева ў Мінск з-за вялікай павагі да маэстра.
"Я добра стаўлюся да Валянціна Мікалаевіча, і ён да мяне вельмі добра ставіцца. Я яму паабяцаў, што выйду на сцэну. Мы вельмі доўга атрымлівалі дазвол на нумар, які мы будзем выконваць, нямецкага балетмайстра. Было вельмі няпроста з прычыны палітычнай сітуацыі, але аўтарскае права ніхто не адмяняў", - сказаў Цыскарыдзэ.
Аб прайгранай вайне, прэм'еры на пенсіі і патрыятызме
Днём у тэатры прайшоў прагон юбілейнага вечара, пасля чаго Цыскарыдзэ паразмаўляў з прэсай, пры гэтым ён выказаў сваю думку аб пустых тэатрах у свеце і наконт свайго прыезду ў Мінск.
"Мне прыемна, што я тут прадстаўляю не толькі пакаленне прэм'ераў вялікай краіны, якое ўжо пайшло на пенсію, я прадстаўлю родную (балетную - Sputnik) школу Валянціна Мікалаевіча (Елізар'ева - Sputnik) і прадстаўляю шмат у чым усю культуру Расіі", - сказаў Цыскарыдзэ.
Адказваючы на пытанне аб тым, як маладое пакаленне, якое прызвычаілася глядзець на свет пры дапамозе гаджэтаў, успрымае балет на сцэне, Цыскарыдзэ сказаў: "Ім не хочацца бачыць ужывую, ім хочацца бачыць свет на экране. Давайце не забываць, што свет змяніўся, што свет пайшоў наперад".
Прагон юбілейнага вечара
© Sputnik / Анна Нефедова
"Вядома, трэба прывучаць дзіця ўспрымаць усё ўжывую, але мы не можам адрынуць тое, што адбываецца вакол нас. І змагацца з гэтым, на жаль, марна. Я ведаю, як педагог, што гэта прайграная вайна", - дадаў Цыскарыдзэ.
У час размовы з прэсай была закранута тэма таго, як змянілася публіка і культура гледачоў.
Мікалай Цыскарыдзэ
© Sputnik / Виктор Толочко
"Гэта не Расія ці Беларусь, дзе спектакль можа скончыцца ў 12 (ночы - Sputnik), а ва ўсёй Еўропе – 10:30 (вечара - Sputnik) і ўсе ўстануць і сыдуць", - сказаў Цыскарыдзэ.
Паводле яго слоў, найбольшая праблема ва ўсім свеце, што знішчаецца паняцце тэатра.
"Самая вялікая трагедыя апошніх 25 гадоў, што да ўлады прыходзяць людзі з вуліцы, якія знішчылі само паняцце тэатра. Тэатры ў свеце паціху апусцелі. У свеце практычна не існуе публікі, якая ходзіць у тэатр кожны дзень", - адзначыў артыст.
"У Нью-Йорку клас, які ходзіць у тэатр кожны дзень, ужо наогул знік. Я ніколі такога не бачыў, каб у Нью-Йорк-оперы, у Вялікім, у Ла Скала можна было прыйсці на спектакль і легчы", - сказаў Цыскарыдзе, маючы на ўвазе тое, што ў зале поўна вольных месцаў.
Прагон юбілейнага вечара
© Sputnik / Анна Нефедова
"Сведчанне поспеху спектакля – не колькі прыйшло публікі, а колькі засталося да канца спектакля", - адзначыў ён.
Пры гэтым Цыскарыдзэ вылучыў яшчэ адзін важны, на яго думку, момант: "Павага да культуры – гэта праява патрыятызму".
Сёння на юбілейным вечары маэстра Елізар’ева гледачы ўбачаць выступленні артыстаў Вялікага тэатра Расіі, салістаў Міхайлаўскага і Марыінскага тэатраў, Маскоўскага "Кремлевского балета" і Тэатра балета Санкт-Пецярбургскага Тэатра Барыса Эйфмана.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Заслужаны артыст Расіі стаў галоўным балетмайстрам беларускага Вялікага тэатра
"Я ўлюблівы, як дзеці": Юрый Траян аб прэм'еры балета "Канёк Гарбунок"
Вялікі тэатр абнавіў "Лебядзінае возера". Якім стаў легендарны балет - фота